VOV4.Jarai - Tlam lơ 21/2, Kông an tơring čar Dak Lăk pơphun jơnum Lăi pơthâo hăng brơi hră brơi pơdơi bruă hlâo kơ thun pơdơi lơtret hăng 11 čô khua mua amăng kông an tơring glông hăng anom bruă kơnar hăng tơring glông.

VOV4.Jarai-Amăng 105 boh sang anŏ ƀơi tơring čar Kon Tum hơmâo ruh pơkra glăi sang tơ̆i rơ̆i, sang dŏ jang jai amăng rơwang hrơi tơjuh, đing nao lu hloh ƀơi tơring glông Đăk Glei hăng 38 boh sang hăng tơring glông Đăk Hà 31 boh sang.

VOV4.Jarai-Pơphun sui 5 hrơi, dong mơng lơ 9-13/3, Jơnum ngui kơphê Buôn Ma Thuột tal 9 thun 2025 hơmâo lu anŏ pơplih phrâo pơhmu hăng hơdôm tal pơphun hlâo anun, him lăng pơhưč rơbêh 200 rơbâo tuai čuă ngui.

VOV4.Jarai-Anai lĕ mông pơbưp yôm phăn kiăng kơtưn ƀiă dong tơlơi rô nao rai ha guai hiam klă, giang mah gru grua, ngă hrŏm djop mơta, hơđong kjăp sui thun kơplah wah dua Ping gah, dua kơnuk kơna hăng mơnuih ƀôn sang Việt Nam-Kur amăng rơnuk phrâo.

VOV4.Jarai-Amăng ayuh hyiăng rơ-ơ̆ rơ-ŏt hrŏm hăng angĭn pơ-iă bơyan phang kual Dap kơdư, sa bơyan bơnga pơđao pran jua sit nik trun rai amăng djop plơi pla ƀơi Gia Lai, anai lĕ anih rung răng lơm mơnuih ƀôn sang hmư̆ tui amăng plư ngă soh. Lui hĭ thun blan răng răng ƀu mơ-ak anun, ƀing mơnuih ngă soh hlâo anun glăk gir run kiăng pơplih pơkra gơñu pô, pơjing bruă ngă hmua, pơđĭ kyar bơwih ƀong huă hăng tơlơi čang rơmang phrâo.

VOV4.Jarai-Mơguah lơ 21/2, ƀơi tơring čar Quảng Ninh hơmâo jơlan hơdră bưp nao rai akŏ bơyan phang thun 2025 plah wah ƀing khua git gai ping gah hăng kual lŏn laih anun jơnum Jơnum min ngă bruă hrŏm tal 16 plah wah tơring čar Quảng Ninh, Lạng Sơn, Cao Bằng, Hà Giang (Việt Nam) hăng Kual lŏn wai lăng mă pô djuai ania Choang, tơring čar Quảng Tây, dêh čar Khač.

VOV4.Jarai-Mơguah tom brơi, lơ 21/2, Khua dêh čar ơi Phạm Minh Chính git gai jơnum hăng djop ding jum, anom bruă, tơring čar pok pơhai ngă tui Hră pơtrun mrô 25 mơ̆ng Kơnuk kơna laih anun pơtrut tañ pơpha rơnoh prăk ba yua tuh pơ alin kơ bruă čar thun 2025.

VOV4.Jarai-Ngă tui akŏ bruă mrô 26 lơ 14/02/2025 mơ̆ng Ding jum kơđi čar, Khul apăn bruă git gai ping gah dêh čar kơ bruă mă kiăng ĕp tơlơi pơhing, pơtrut ngă bruă, pơtô brơi, pel ĕp hơdôm bruă mă phun thun 2025, tom brơi, lơ 20/2, ƀơi sang bruă Kơnuk kơna dêh čar hơmâo jơnum lăi pơthâo hră pơtrun akŏ pơjing Grup ĕp lăng mơ̆ng Ding jum kơđi čar, Khul apăn bruă  git gai ping gah thun 2025 hăng ping gah amăng kơnuk kơna, ping gah anom bruă khua pơ ala mơnuih ƀôn sang dêh čar.

VOV4.Jarai - Tơring čar Dak Lak hmâo ngă laih bruă dưm dăp, ngă rơbô̆t rơbêh kơ 40 bôh ƀirô, anom bruă amăng glông bruă kơđi čar tơring čar.

VOV4.Jarai - Čơtlăm tom brơi (20/2), Khua Grŭp pơtô bruă Ping gah hăng Pơtô ba mơnuih ƀôn sang dêh čar ơi Nguyễn Trọng Nghĩa nao čuă, hơ-ơč hmưi Sang ia jrao Thống Nhất (ƀôn prong Hồ Chí Minh) ƀrô djơ̆ hrơi hơdor glăi 70 thun Hrơi pioh kơ ơi ia jrao Việt Nam (27/2).