VOV4.Jarai-Amăng tal nao čuă jơmư sit nik dêh čar đăo Islam Iran, lơ 8/8, tơdơi kơ lơphet čơkă jum, ơi Vương Đình Huệ, Khua git gai pơ ala mơnuih ƀôn sang dêh čar ta hơmâo bơkơtuai hăng Khua git gai pơ ala mơnuih ƀôn sang dêh čar Iran, ơi Mohammad Bagher Ghalibaf.

VOV4.Jarai-Grup krăo lăng akŏ bruă yua Kơ-iăng Khua pơ ala mơnuih ƀôn sang dêh čar ơi Trần Thanh Mẫn ba jơlan hlâo, hrŏm hăng 3 kơ-iăng khua grup; 22 ding kơna hăng sa, dua čô khua mua, ƀing rơgơi kơhnâo hơmâo jak iâu.

VOV4.Jarai – Lơ 8/8, Grŭp mơnuih hyu mă bruă mơ̆ng Grŭp črâo ba pơgang pơgăn ayuh hyiăng ƀu klă ngă dêh čar ta, yua kơ Kơ-iăng Khua Ding jum đang hmua hăng pơđĭ kyar ƀôn lan dêh čar ta, ơi Nguyễn Hoàng Hiệp ba jơlan hlâo, hrŏm hăng ƀing juăt bruă hmâo hyu hơduah ĕp lăng, pel ĕp anih anom kual lŏn tơhroh, lŏn tơhlom ƀơi dơnao kŏng ia Đông Thanh, să Đông Thanh, tơring glông Lâm Hà (Lâm Đồng).

VOV4.Jarai-Ƀơi anăp kơ tơlơi hŭi rơhyưt lŏn čơđang dlưh tơhlom trun tơnap tap yua hơjan hlim ngă, tlam lơ 8/8, Khua Jơnum min mơnuih ƀôn sang tơring čar Dak Nông pôr pơthâo tơlơi pơhing ječ ameč yua lŏn adai truh laih anun pơhlôm brơi 3 ring bruă, anih lŏn tơhlŏm čơđang, dlưh trun.

VOV4.Jarai – Amăng rơwang nao čuă dêh čar Iran, tom brơi (8/8), Khua git gai wai lăng pơ ala mơnuih ƀôn sang dêh čar ta, ơi Vương Đình Huệ hmâo bơkơtuai laih hăng Khua mir sir dêh čar Iran Ebrahim Raisi.

VOV4.Jarai – Mơguah lơ 8/8, ƀơi Anih mă bruă Khua mir sir, Khua mir sir dêh čar ta, ơi Võ Văn Thưởng jao hră Pơsit đĭ grat Thượng tướng kơ ơi Trịnh Văn Quyết, Ding kơna Ping gah dêh čar, Ding kơna Ping gah Khul ling tơhan dêh čar, Kơ-iăng Khua Anom bruă kơđi čar Khul ling tơhan dêh čar Việt Nam.

VOV4.Jarai - Tŭ ư tơlơi jak iâu mơ̆ng Khua git gai pơ ala mơnuih ƀôn sang dêh čar Iran, Khua git gai pơ ala mơnuih ƀôn sang dêh čar ta ơi Vương Đình Huệ ba jơlan Grup khua pơ ala mơnuih ƀôn sang Việt Nam sit nik nao čuă Dêh čar Iran mơ̆ng lơ 8-10/8.

VOV4.Jarai - Ƀơi kual ataih, asuek hloh mơ̆ng tơring čar Lâm Đồng, thôn 4, să Phước Cát 2, tơring glông Cát Tiên hơmâo 100% mrô mơnuih djuai ania ƀiă. Ayong Điểu K’Điệp, Khua jơnum min djŏp djuai ania thôn 4, pơtô blang iâu pơthưr neh met wa lui hĭ tơlơi phiăn ƀu hiam, gum pơgôp pơđĭ kyar bơwih ƀong huă, djă lui gru grua hiam, akŏ pơdong tơlơi hơdip hơđong hăng amăng ƀrư̆ pơđĭ kyar.  

VOV4.Jarai - Tơdơi kơ boh than hiam klă mơ̆ng tal nao čuă Sang bruă Khua khŏp Vatican, bưp Khua khŏp Francis, mơguah lơ 7/8, Khua mir sir ơi Võ Văn Thưởng nao čuă, bưp Khua wai lăng đăo Khŏp Việt Nam, ƀơi Anih mă bruă Khua wai lăng đăo khŏp Việt Nam ƀơi ƀôn prong Hồ Chí Minh.

VOV4.Jarai - Tlam lơ 7/8, ƀơi Hà Nội, Kơ-iăng khua dêh čar ơi Trần Lưu Quang - Khua Jơnum min dêh čar pơgang tơlơi truh hăng hyu ĕp mơnuih bưp tơlơi truh git gai mông jơnum pok pơhai bruă yôm phun amăng hơdôm blan rơnuč thun 2023.