VOV4.Jarai-Jơnum min mơnuih ƀôn sang tơring čar Dak Lak pơtrun hiăp sang bruă kơnuk kơna lăi pơthâo rơđah rơđong hră pơsit anom bruă djop anŏ gêh găl brơi mă bruă pơkra ming anŏ hơdjă mơnong ƀong huă, sĭ mơdrô rơtă čăt amăng tơring čar, laih dơ̆ng, pơdah thâo hơdră pơsir wai lăng djop sang bruă pơkra ming, sĭ mơdrô rơtă čăt kơñ pơgi anai.

VOV4.Jarai-Tlam lơ 30/12, tom brơi, ƀơi Hà Nội, jơnum khua mua apăn bruă ping gah khul djop sang bruă kơnuk kơna ƀơi gơnong dlông lok 19, kiăng pơƀut bruă mă amăng thun 2024, pok pơhai bruă mă thun 2025.

VOV4.Jarai-Tlam lơ 30/12, ƀơi Anom bruă Kơnuk kơna, Khua dêh čar ơi Phạm Minh Chính hơmâo tŭ jum Kơ-iăng Khua dêh čar Lao, ơi Saleumxay Kommasith ƀrô tal rai čuă hăng mă bruă ƀơi Việt Nam.

VOV4.Jarai-Mơguah lơ (30/12), Jơnum min mơnuih ƀôn sang plơi prong Đà Lạt (tơring čar Lâm Đồng) pơphun mông pơpŭ ƀing kông ñơn ngă bruă hyu rơmet pơagaih hơmâo lu tơlơi pơgôp pơjing plơi prong Đà Lạt “Mơtah-agaih-hiam”, pơgôp ba glăi tơlơi truh kih mơng Festival bơnga Đà Lạt tal 10 thun 2024.

VOV4.Jarai-Tlam tom brơi (30/12), ƀơi Ƀirô mă bruă, anom bruă Khua pơ ala mơnuih ƀôn sang dêh čar, Ping gah anom bruă Khua pơ ala mơnuih ƀôn sang dêh čar hrŏm hăng hơdôm anom bruă, khul grup Jơnum lăng glăi bruă mă thun 2024, pok pơhai bruă jao thun 2025.

VOV4.Jarai-Ƀơi ƀôn prong Huế, tơring čar Thừa Thiên Huế phrâo pơphun mông lăi pơthâo tơlơi pơtrun mơng Ƀirô Khua pơ ala mơnuih ƀôn sang dêh čar kơ bruă akŏ pơjing ƀôn prong Huế, hăng lăi pơthâo tơlơi pơtrun mơng Jơnum min apăn bruă Khua pơ ala mơnuih ƀôn sang dêh čar kơ bruă dưm dăp glăi anih anom mă bruă gưl tơring glông, să mơng ƀôn prong Huế rơwang thun 2023-2025.

VOV4.Jarai - Thun 2024 gong gai hơdôm bôh tơring čar kual Dap Kơdư pơsit lĕ thun pơplih phrâo phara, ngă tui lu bruă jao yôm phăn pơđĭ kyar bơwih ƀong – mơnuih mơnam, hmâo bôh yua yôm phăn amăng ngă tui truh kih Tơlơi pơptrun pơsit Jơnum Ping gah hơdôm bôh tơring čar, amăng anun ƀuh rơđah hloh lĕ bruă pok pơhai ha amăng plĕ hơdôm jơlan gah amăng Jơlan hơdră pơkă lŏn ia pơđĭ kyar bơwih ƀong mơnuih mơnam kual neh wa djuai ania ƀiă hăng kual čư̆ siăng rơwang I mơ̆ng thun 2021 truh thun 2025, hăng hmâo lu bôh tơhnal yôm phăn, tơlơi hơdip mơda gơnam tam hăng pran jua mơ̆ng mơnuih ƀôn sang djop djuai ania Dap Kơdư dưi pơđĭ dlông.

VOV4.Jarai - Khua git gai Ping gah dêh čar pơtŏng sit thâo hră jing khul mơnuih pơ ala kơ bôh thâo ia rơgơi, thâo bruă mơ̆ng mơnuih ƀôn sang hăng djuai ania, jing sa amăng hơdôm ngăn rơnoh hăng pran pơtrut yôm phăn hloh ba glăi tơlơi pơplih phrâo hăng tơlơi pơđĭ kyar kơ lŏn ia.

VOV4.Jarai-Ră anai, hơdôm anom bruă glăk ječ ameč ba nao mơnuih mă bruă, rơdêh, măi mok kiăng man pơkra jơlan đuăi mur gah yŭ čư̆ Phượng Hòang rôk jơlan rơdêh đuăi hmar Khánh Hòa-Buôn Ma Thuột.

VOV4.Jarai-Khua git gai Ping gah dêh čar ơi Tô Lâm pơdah pran jua hơdor tơngia hăng pơpŭ bơni kơ Khua mir sir Hồ Chí Minh, khua apăn akŏ rơgơi kơhnâo mơng Ping gah hăng mơnuih ƀôn sang, mơnuih sông kơtang mơng djuai anai.