Lăi pơthâo tơlơi pơhing hăng Khua dêh čar New Zealand tơlơi bơwih ƀong huă ƀơi ƀôn prong, ơi Nguyễn Văn Được brơi thâo: jing ƀôn prong beč bal hloh amăng dêh čar, ƀon prong HCM čang rơmang tal rai čuă jơmư anai mơ̆ng Khua dêh čar, ơi Christopher Luxon, amra pok rai jơlan hơdră pơtrut bruă ngă hrŏm tuh pơ alin mơ̆ng ƀing ngă bruă sĭ mơdrô New Zealand ba rai pơ ƀôn prong HCM lu hloh pơ anăp anai.

Khua dêh čar New Zeland, ơi Christopher Luxon lăi lĕ, kiăng Việt Nam jing lŏn ia hơmâo rơnoh pơhrui lu amăng thun 2045 kah hăng tơhnal pơkă, ăt dŏ lu bruă kiăng khom ngă. Ñu čang rơmang tal rai čuă jơmư anai pơtrut bruă ngă pŭ ƀăn dua bơnah dêh čar, ngă gêh găl hơdai gum hrŏm djop mơta  amăng bruă bơwih ƀong huă, pơtô hrăm, tuai čuă ngui, bruă ngă hmua pla pơjing.