VOV4.Jarai-Khua mua pơ ala djop dêh čar tač rơngiao pơdah mơ-it hiăp juh alum hrŏm hăng tơlơi đuăi nao mơ̆ng Khua git gai ping gah ơi Nguyễn Phú Trọng, tơña bla laih anun hning rơngôt hrŏm hăng khua mir sir ơi Tô Lâm, khua mua ping gah, kơnuk kơna hăng mơnuih ƀôn sang Việt Nam.

VOV4.Jarai-Mơguah tom brơi, lơ 25/7, ƀơi sang jơnum prong Thống Nhất ƀôn prong HCM, ngă yang jôk mơyut Khua git gai ping gah Cộng sản Việt Nam, ơi Nguyễn Phú Trọng.

VOV4.Jarai-Hơmâo grup khua mua mơ̆ng jar kmar nao jôk mơyut Khua git gai ping gah ơi Nguyễn Phú Trọng.

VOV4.Jarai - Lơ 25/7, ƀơi Ƀirô mă bruă Gong gai dêh čar, Khua dêh čar ta ơi Phạm Minh Chính hmâo tŭ jum laih ơi Vương Hỗ Ninh, Ding kơna Ding jum kơđi čar Ping gah Cộng sản dêh čar Khač, Khua apăn bruă Jơnum min djop djuai ania mơnuih mơnam dêh čar Khač, Khua pơ ala phara mơ̆ng Khua git gai Ping gah, Khua mir sir dêh čar Khač ơi Tập Cận Bình ba jơlan hlâo Grŭp Khua pơ ala Ping gah dêh čar Khač rai čuă Việt Nam pơhmư̆ hơdôm bruă jôk atâo rơgom ơi Nguyễn Phú Trọng Khua git gai Ping gah dêh čar.

VOV4.Jarai - Mơguah lơ 25/7, mơnuih ƀôn sang djop djuai ania, khul grŭp ƀơi lu anih anom amăng kual Dap Kơdư hmâo lăng tui mông jôk atâo rơgom ơi Nguyễn Phú Trọng Khua git gai Ping gah dêh čar tui glông pơtui jua pơhiăp, pơdah rŭp.

VOV4.Jarai - Mông jôk atâo rơgom ơi Nguyễn Phú Trọng Khua git gai Ping gah dêh čar pơphun amăng tơlơi tơhmit, ol kơdol pran jua.

VOV4.Jarai-Khua dêh čar ơi Phạm Minh Chính tŭ jum Khua djru bruă pơgang rơnuk rơnua dêh čar India Ajit Doval ƀrô hrơi ñu rai mơyut jôk Khua git gai Ping gah dêh čar ơi Nguyễn Phú Trọng.

VOV4.Jarai-Hmư̆ hing Khua git gai Ping gah dêh čar ơi Nguyễn Phú Trọng rơngiă, Khua čih pioh Sang gum hơbit djop dêh čar ơi Antonio Guterres hơmâo nao hơ-ŭ hơdor kơ Khua git gai Ping gah dêh čar ƀơi ƀirô Khul pơ ala dêh čar Việt Nam amăng sang gum hơbit djop dêh čar pơ New York.

VOV4.Jarai - Lơm dô̆ hơdip, Khua git gai Ping gah ơi Nguyễn Phú Trọng juăt ba jơlan hlâo amăng tơlơi hơdip klă, giăm mơnuih ƀôn sang, sa čô khua git gai abih pran jua hăng bruă mă kơ Lŏn ia pơđĭ kyar, mơnuih ƀôn sang trơi pơđao hăng yâu mơ-ak, dô̆ pơmin na nao hăng bruă pơdŏng Ping gah, hrŏm hăng tơlơi pơmin tañ, dơlăm, thâo tañ hơdôm tơlơi dô̆ glăi amăng Ping gah pioh pơplih pơkra. Khua git gai Ping gah ơi Nguyễn Phú Trọng đuăi lui ƀing ta laih amăng tơlơi hning rơngôt prong prin mơ̆ng Ping gah, Kơnuk kơna hăng Mơnuih ƀôn sang Việt Nam samơ̆ ăt dô̆ ƀơi anun mơn gru rŭp Khua git gai Ping gah ơi Nguyễn Phú Trọng – sa gru rơđah hrăm tui hăng ngă tui tơlơi pơmin pran jua kơnuih Hồ Chí Minh.

VOV4.Jarai-Ƀrô hơdor glăi tal 77 thun Hrơi pioh kơ tơhan rơka rơkač hăng mơnuih pơsăn drơi yua kơ lŏn ia lơ 27/7/1947-lơ 27/7/2024, tlam hrơi anai, Khua mir sir ơi Tô Lâm hăng grup khua mua gơnong dlông nao čuă, ƀơk gơnam kơ ƀing tơhan rơka rơkač ƀơi sang bruă pơjrao ƀing tơhan rơka rơkač Thuận Thành să Ninh Xã, tơring glông Thuận Thành, tơring čar Bắc Ninh.