Tal rai čuă jơmư mơ̆ng Khua dêh čar Christopher Luxon ăt jing hrơi mông yôm kiăng dua bơnah pơtŏng lăng glăi thun blan ngă hrŏm giăng mah, ngă hrŏm yôm amăng lu bruă hrơi blan rơgao, kiăng hơmâo jơlan đĭ kyar hrŏm amăng sui thun blan dong.

Anai ăt jing tal blung a Khua dêh čar Christopher Luxon rai čuă dêh čar Việt Nam dong mơ̆ng hrơi ñu ngă khua kơnuk kơna pơlir hơbit ƀơi New Zealand, hăng tơlơi pơtom hiăp kiăng ngă hlâo anun lĕ pơđĭ tui tơlơi rô nao rai hăng ASEAN wơ̆t hăng hơdôm boh dêh čar amăng kual Ngŏ Dơnung ASIA, amăng anun hơmâo Việt Nam jing sa amăng hơdôm boh dêh čar ngă gŏp yôm hloh. amăng tal rai čuă, Khua dêh čar Christopher Luxon amra pioh mông bơkơtuai sit nik hăng Khua dêh čar ta ơi Phạm Minh Chính, nao bưp, mă tơngan khua mua prong mơ̆ng Ping gah, Kơnuk kơna hăng Khua mua pơ ala mơnuih ƀôn sang dêh čar laih dong nao čuă lăng hơdôm anom bơwih ƀong, gru grua boh thâo, sang hră pơtô hrăm ƀơi Hà Nội hăng ƀôn prong Hồ Chí Minh.