Đĭ pơhiăp amăng mông Jơnum Khua dêh čar ơi Phạm Minh Chính lăi pơtong, bruă ngă tui bruă pel ĕp hăng Khul apăn bruă Ping gah tơring čar, Ping gah ƀôn prong hơmâo: ƀôn prong Hồ Chí Minh, Bình Dương, Bà Rịa-Vũng Tàu lĕ bruă jao yôm phun, kiăng ngă tui tơpă, gơgrong mă, kiăng ngă klă bruă pel ĕp, krăo lăng, ngă tui tơlơi pơkă git gai mơng Ping gah, tơlơi pơkă bruă mămơng Ping gah, amăng anun hơmâo bruă sem lăng hăng lăng glăi pô kiăng gơgrong mă, sit biă ñu bruă pel ĕp hơdôm gưl Ping gah mơng tơring čar truh ƀon lan, sit biă ñu lĕ mơng ƀon lan yua kơ mơnuih ƀôn sang hăng hơnong pơkă rơnuč hrŏm hăng Ping gah lĕ pơgang rơnuk rơnua, hơđong mơnuih mơnam, wai pơgang tơlơi rơngai, ngă pô lŏn ia, kiăng mơnuih ƀôn sang pơhlôm rơnuk rơnua, trơi pơđao, yâo mơ-ak.

Khua dêh čar rơkâo tơdơi kơ jơnum anai, djop ƀôn lan ječ ameč pơjing hră lăi pơthâo tui akŏ bruă hrŏm hăng hơdôm hră pơ-ar bơdjơ̆ nao, mơ-it naogrup pel ĕp kiăng kơsem min; laih dong pơpha bruă jao tong ten brơi hơdôm khul grup, ƀing mơnuih ngă akŏ pơlăi nao rai, gum hrŏm grup pel ĕp lơm ngă bruă.