Khua dêh čar lăng yom, tơdơi kơ 76 thun akŏ pơdong hăng pơđĭ kyar, Sang hră hrăm bruă gah ia jrao ling tơhan hơmâo lăi pơtong tơlơi gơgrong ba sa amăng hơdôm boh sang hră gưl prong hrăm gah bruă ia jrao mrô sa, ba yua boh thâo ia rơgơi pơkra rai ia jrao pơjrao duăm ruă, boh nik ñu pơtô hrăm ƀing ơi ia jrao, mơnuih pơjrao duăm ruă rơgơi kơhnâo gah ling tơhan.

Hơdôm hnơr ƀing ơi ia jrao, nai pơtô hăng čơđai sang hră hơmâo ba glăi boh tơhnal lăp pơpŭ bơni yua kơsem min phrâo gah bruă pơjrao duăm ruă ƀơi dêh čar. Khua dêh čar pơčrâo rơđah, thun blan pơ anăp, Sang hră hrăm gah bruă ia jrao ling tơhan ƀu pơdơi ôh hrưn đĭ pơđĭ kyar na nao hăng tơlơi gơgrong ba sa boh sang hră gưl prong hrăm gah bruă ia jrao ba akŏ ƀơi Việt Nam, jing sang hră gưl prong phun ƀơi dêh čar; jing anih pơtô hrăm, kơsem min boh thâo ia rơgơi, pơđĭ kyar ba yua măi mok phrâo hloh amăng bruă pơjrao duăm ruă, ba yua gah bruă ia jrao ling tơhan lăi pha, hrŏm hăng amăng dêh čar laih anun jar kmar hnun mơ̆n.