VOV4.Jarai-Hăng 80 thun hơdip, 57 thun mut Ping gah, 7 tal ngă Ding kơna Khul apăn bruă Ping gah, 6 tal ngă Ding kơna Ding jum kơđi čar, 5 tal ngă Khua pơ ala mơnuih ƀôn sang, Khua git gai Ping gah dêh čar ơi Nguyễn Phú Trọng hơmâo găn rơgao lu anih mă bruă pơprong yua Ping gah, Kơnuk kơna hăng mơnuih ƀôn sang jao, sit biă ñu hăng 2 rơwang ngă Khua git gai pơ ala mơnuih ƀôn sang dêh čar, Khua git gai Ping gah dêh čar ơi Nguyễn Phú Trọng hơmâo tơlơi gum pơgôp prong prin brơi anih anom mă bruă, hrưn đĭ tŭ yua bruă mă mơng Ƀirô Khua pơ ala mơnuih ƀôn sang dêh čar, pơgôp pơjing, pơgiong Kơnuk kơna phiah phiăn tui jơlan xã hội chủ nghĩa Việt Nam.

VOV4.Jarai - Tơdơi kơ hmư̆ hing Khua git gai Ping gah Nguyễn Phú Trọng rơngiă, amăng plăng face book, mơnuih ƀôn sang ƀơi djop anih amăng lŏn ia hăng mơnuih dêh čar ta pơ̆ dêh čar tač rơngiao hmâo pơdah pran jua pơpŭ hăng tơlơi hning rơngôt prong, yua kơ rơngiă sa čô mơnuih tâ̆o klă mơ̆ng djuai ania, sa čô khua git gai hmâo tuh rơyuh ha rơnuk mơ̆ng pô kơ bruă hơkrŭ mơ̆ng Ping gah hăng djuai ania ta:

VOV4.Jarai - Bản Lầu – să hmâo Grŭp Ping gah blung a mơ̆ng tơring glông guai dêh čar Mường Khương, tơring čar Lào Cai jing anih ư-ang dưi čơkă Khua git gai Ping gah Nguyễn Phú Trọng nao čuă amăng thun 2013. Hơdôm tơlơi hơdor pioh kơ sa Khua git gai Ping gah dêh čar lăng ƀu kơdrưh, samơ̆ tơpă ară, dơlăm hrơi anai ăt djă pioh hơnong mơn ƀơi kual lŏn akô̆ dêh čar anun.

VOV4.Jarai - Hơdôm hrơi anai, mơ̆ng lŏn drŏn truh kual ia rơsĭ bul ia rơsĭ ataih yaih, mơ̆ng ƀôn prong truh plơi pla, kual čư̆ siăng, neh wa, ling tơhan đơ đam dêh čar leng kơ pơdah pran jua hning rơngôt kơ tơlơi rơngiă mơ̆ng Khua git gai Ping gah Nguyễn Phú Trọng.

VOV4.Jarai - Mơguah lơ 23/7, Khul pơ ala mơnuih ƀôn sang tơring čar Dak Nông tal 4 pơphun Tal jơnum lok 8 pioh pơsit tơlơi bơwih ƀong – mơnuih mơnam 6 blan akô̆ thun hăng pok pơhai hơdôm bruă mă phun hơdôm blan rơnuč thun.

VOV4.Jarai-Khua git gai ping gah ơi Nguyễn Phú Trọng abih tơlơi hơdip pô yua kơ lŏn ia, yua kơ mơnuih ƀôn sang hăng 80 thun hơdip truh tơnŭk, giăm 57 thun ping gah, 14 thun ngă khua git gai ping gah dêh čar, rơbêh 2 thun ngă khua mir sir, rơbêh 5 thun ngă khua git gai pơ ala mơnuih ƀôn sang dêh čar.

VOV4.Jarai-Tlam lơ 22/7, Khua dêh čar ơi Phạm Minh Chính git gai jơnum hăng hơdôm ding jum anom bruă hăng tơring čar pok pơhai bruă dăng hrĕ apui lơtrik 500 kV arăt tal 3 khom giong tañ.

VOV4.Jarai-Hlăk dŏ hơdip, Khua git gai ping gah ơi Nguyễn Phú Trọng đing nao biă mă kơ kual plơi pla mơnuih ƀôn sang djuai ƀiă dŏ. Amăng tal nao čuă hăng mă bruă, Khua git gai ping gah đing nao tơlơi pơmin, pran jua, anŏ kiăng hăng tơlơi bơngơ̆t mơ̆ng ană plơi pla djop djuai ƀiă; ngă hiư̆m pă pioh pơđĭ tui tơlơi hơdip mơda gơnam yua hăng ngă mơak pran jua brơi mơnuih ƀôn sang.

VOV4.Jarai-Lơ 22/7, grup mă bruă mơng Khul čih pơkra tơlơi pơtrun pơsit yua Ding kơna ding jum kơđi čar, Khua apăn bruă Ping gah, Khua anom pơtô bruă Ping gah ơi Nguyễn Trọng Nghĩa hơmâo nao krăo lăng, mă bruă hăng Khul apăn bruă Ping gah Ding jum gru grua, bơrơguăt drơi jăn hăng tuai čuă ngui.

VOV4.Jarai - Gru rŭp Khua git gai Ping gah Nguyễn Phú Trọng lăng ƀu kơnuih ôh, samơ̆ jê̆ giăm, lăng rơnang samơ̆ pioh glăi dơlăm amăng pran jua mơnuih apăn bruă, mơnuih ping gah ƀơi tơring čar Dak Lak hmâo ha tal bưp ñu. Hăng rim tơlơi pơtă mơ̆ng Khua git gai glăk jing pran pơtrut djru gơñu pơhrăm drơi pô hrưn đĭ.