Anai jing pri yôm biă mă mơ̆ng Khul hlăk ai rơnuk Hồ Chí Minh, kiăng pơpŭ kơ ƀing hlăk ai ƀu rơgao kơ 35 thun, mă bruă rơgơi amăng lu bruă mă. Pri “Ƀô̆ mơta hlăk ai rơgơi mơbruă” hơmâo brơi rim thun amăng hrơi ngă lơphet akŏ pơjing Khul hlăk ai mut phung rơnuk Hồ Chí Minh (26/3). 

Thun 2024, Grup pơphun brơi pri hơmâo mă 159 pok hră pơ-ar kiăng apah bơni mơ̆ng 55 anom bruă. Khul sem lăng apah bơni brơi pri hơmâo ruah mă 19 čô rơgơi mơbruă hloh mut amăng tal ruah tui glông internet. Amăng mrô anun mơnuih hơmâo tơbiă anăn kiăng apah pri hơmâo lu mơnuih juăt ƀuh, hmư̆ hing, mă bruă rơgơi djru kơ mơnuih tơpuôl kah hăng pô adoh ca sĩ Phương Mỹ Chi; Soobin Hoàng Sơn, dra jŭ hiam Huỳnh Thị Thanh Thủy; pô đă boh lông Nguyễn Tiến Linh; Nai tha prin Phạm Huy Hiệu...