Pơhiăp ƀơi mông Jơnum, Khua Jơnum min djŏp djuai ania mơnuih mơnam Việt Nam ơi Đỗ Văn Chiến lăi: amăng hrơi mông anai, Jơnum min djŏp djuai ania mơnuih mơnam Việt Nam lăi pơthâo dlăm hloh jơlan hơdră ngă bruă mơ̆ng Ping gah, tơlơi phiăn mơ̆ng Kơnuk kơna; khut khăt pơplih hơdră ngă bruă, tum pơƀut abih bang mơnuih ƀôn sang, iâu pơthưr djŏp mơnuih mơnam, tơlơi gêh gal amăng dêh čar, yŭ kơ tơlơi git gai mơ̆ng Ping gah, abih bang hrŏm ha pran jua pơgang hăng akŏ pơđĭ kyar lŏn ia pơdrong sah, kjăp kơtang.

Mông Jơnum pơƀut bơkơtuai, pơgôp hiăp kơ hơdôm tơlơi mơ̆ng Tơlơi pơkă pơplih glăi sa dua mơta tơlơi, bruă mă pơhlôm tơlơi git gai mơ̆ng Ping gah hăng Jơnum min djŏp djuai ania mơnuih mơnam; pơtrut tui tơlơi gơgrong bruă gum pơgôp abih bang djuai ania. Hơdôm tơlơi pơgôp hiăp ăt kiăng lăng glăi tong ten, sem lăng pơhrua tui hơdôm tơlơi jơnum pơčrông sai, pơgôp hiăp kiăng đĭ kyar lŏn ia, boh nik ñu hơdôm tơlơi bơdjơ̆ nao đĭ kyar lŏn ia amăng rơnuk phrâo mơ̆ng djuai ania ta; bruă dưm dăp glăi anom bruă kơnuk kơna mă bruă tŭ yua hloh.