Pơhiăp ƀơi mông jơnum, khua dêh čar ơi Phạm Minh Chính lăi pơtong, thun 2025 yom biă mă; jing thun amra pơphun lu mơta tơlơi jơnum pơprong kơ lŏn ia, thun pơtrut hmar, či glăi truh anih pơkă, jing thun ngă giong črăn bruă pơkă 5 thun sa wơ̆t yap mơ̆ng thun 2021-2025; thun prăp lui rơnuk hrưn hăng tơpưn đĭ pô mơ̆ng lŏn ia amăng rơnuk phrâo kiăng pơđĭ kyar pơdrong sah, thâo rơgơi, hing ang kơ djuai ania; anăp nao 2 mơta bruă phun yom hơdor glăi 100 thun; gir run kiăng truh thun 2030 jing lŏn ia pơđĭ kyar, dêh čar yua măi mok phrâo rơgơi hloh, rơnoh pơhrui glăi lu; truh thun 2045 jing lŏn ia pơdrong djop mơnuih pơhrui glăi lu hơđong.

Khua dêh čar brơi thâo, tơhnal pơkă pơđĭ kyar thun 2025 lĕ 8% hơmâo lăi pơtong amăng Hră pơtrun mrô 01 mơ̆ng Kơnuk kơna. Khua dêh čar pơtrun hiăp kơ ƀing khua mua djop anom bruă pơčrong sai tong ten: Pơtô lăi, tŭ ư hĭ thâo hluh rơđah hăng ngă bruă, kiăng pơđĭ tui tơlơi glăm ba amăng bruă mă mơ̆ng pô ngă khua apăn akŏ, djop tơring čar ngă tui Hră klah čun mrô 123 mơ̆ng Gơnong dlông, Hră pơtrun mơ̆ng khua pơ ala mơnuih ƀôn sang dêh čar hăng Hră pơtrun mrô 25 mơ̆ng Kơnuk kơna, pơhlôm rơnoh pơđĭ kyar thun 2025 dưi djop 8% pơngŏ, ngă atur kơjăp hơđong rơnoh kiăng đĭ dua mrô mơ̆ng thun 2026-2030.