Khua Grŭp pơtô bruă Ping gah hăng Pơtô ba mơnuih ƀôn sang dêh čar ơi Nguyễn Trọng Nghĩa lăi rơđah bruă yôm phăn mơ̆ng sang ia jrao amăng bơwih brơi tơlơi suaih pral mơnuih ƀôn sang, biă ñu mơnuih apăn bruă gưl dlông. Ñu rơkâo Khua sang ia jrao đing nao pơjing khul ơi ia jrao hmâo pran gơgrong bruă kơđi čar kơjăp phik, rơgơi bruă mă, kơnuih mă bruă ba gru hlâo, djơ̆ tui abih bang tơlơi kiăng kơ bruă mă, pran jua.

Biă ñu amăng tơlơi lŏn ia yak mut amăng rơnuk phrâo – rơnuk phrâo hrưn đĭ pô pơđĭ kyar pơdrŏng kơtang, pơdrŏng asah. Hrŏm hăng anun rơkâo sang ia jrao lăi pơthâo dong hơdôm hơdră pơtrun, bruă jao pơđĭ kyar gah ia jrao, pơhlôm rơnuk rơnua tơlơi hơdip mơda mơnuih mơnam, pơđĭ dlông bruă pel ĕp pơjrao, mă mơnuih ruă ngă phun. Tal anai, tŭ mă bruă mơ̆ng Khua mir sir dêh čar, ơi Nguyễn Trọng Nghĩa ƀơk anăn “Ơi ia jrao mơbruă” kơ 12 čô ơi ia jrao./.