Pơhiăp amăng mông mă bruă Khua mir sir dêh čar ta ơi Lương Cường bơni hăng pơsit yôm Ping gah Khul ling tơhan dêh čar, Ding jum khul ling tơhan hmâo lăi pơthâo abih hăng pơplih phrâo tơlơi kiăng mơ̆ng Ding jum kơđi čar, Grŭp mă bruă Ping gah dêh čar kơ ngă tui dong Tơlơi pơtrun pơsit 18, pơdŏng glông bruă kơđi čar “Ruah mă – Rơbô̆t – Kơtang – Mă bruă kơjăp – Ba glăi bôh tŭ yua – Ba glăi bôh tơhnal”.

Dưm dăp, pơplih pơkra pơmut hrŏm hơdôm khul grŭp hmâo apăn bruă, bruă mă pơhlôm “ruah mă, rơbô̆t, kơtang; ngă tui tơlơi pơkă sa bôh ƀirô ngă tui lu bruă, sa bruă kơnong kơ jao kơ sa bôh ƀirô git gai ngă tui hăng gơgrong bruă phun. Hluai tui bruă gơgrong, bruă mă pioh hmâo jơlan pơsir khul ngă giong klă pơsir djop tơlơi amra truh. Djă pioh kơjăp tơlơi pơkă pơphun bruă git gai Ping gah; Pơhlôm tơlơi git gai khut khăt, ƀơi anăp kơ djop mơta mơ̆ng Ping gah pioh kơ Khul ling tơhan dêh čar Việt Nam. Čang rơmang Khua mir sir dêh čar đing nao dong, ngă gal brơi pioh Ding jum Khul ling tơhan pơplih pơkra dong bruă ruah mă, rơbô̆t, kơtang, pơdŏng Khul ling tơhan hơkrŭ, djơ̆ phiăn, hơdeč hmar, rơnuk anai tui hơdôm tơlơi pơtrun pơsit mơ̆ng Ping gah hmâo pơsit./.