Hơdôm tơlơi pơsit kơ bruă pơphun glông jơlan mă bruă hăng mơnuih apăn bruă phun dưi hmâo Ping gah tơring čar Dak Lak sit nik lăi pơthâo amăng mơguah 20/2. Rơđah biă ñu, Grŭp mă bruă Ping gah tơring čar Dak Lak hmâo lăi pơthâo tơlơi pơsit kơ bruă pơđut bruă mă hơdôm ping gah khul, mơnuih mă bruă Ping gah; Grŭp pơgang bơwih brơi tơlơi suaih pral kơ mơnuih apăn bruă tơring čar, Ping gah Khul hơdôm bôh ƀirô hăng anom bơwih ƀong tơring čar; Tơlơi pơtrun pơsit mơ̆ng Khul pơ ala mơnuih ƀôn sang tơring čar kơ bruă lui hĭ Gơnong bruă pơtom hiăp; hơdôm tơlơi pơsit pơdơi lơtret hlâo kơ thun pioh kơ dua čô khua Ding kơna git gai Ping gah tơring čar, sa dua čô khua apăn bruă Ping gah Khul hơdôm bôh ƀirô hăng anom bơwih ƀong tơring čar, hrŏm hăng khua mua sa dua bôh gơnong bruă, grŭp, anom bruă gah gưl tơring čar.

Kiăo tui anun, yă Huỳnh Thị Chiến Hòa, Kơ-iăng git gai Ping gah tơring čar, Khua Khul pơ ala mơnuih ƀôn sang tơring čar dưi ruah ngă Khua git gai Ping gah hơdôm bôh ƀirô Ping gah tơring čar; ơi Phạm Ngọc Nghị, Kơ-iăng Khua git gai Ping gah tơring čar, Khua Jơnum min mơnuih ƀôn sang tơring čar dưi ruah ngă Khua git gai Ping gah Jơnum min mơnuih ƀôn sang tơring čar. Amăng mông jơnum, ơi Nguyễn Đình Trung, Khua git gai Ping gah tơring čar Dak Lak čih pioh hăng bơni pran pơsit, pran jua gơgrong mơ̆ng hơdôm ƀirô, anom bruă amăng bruă pok pơhai hơdôm tơlơi pơsit dưm dăp ngă rơbô̆t glông jơlan mă bruă čar./.