Tui anun, kiăo tui Tơlơi pơsit mrô 243 lơ 24/1/2025 mơ̆ng Ding jum kơđi čar kơ bruă akŏ pơdong Grup Ping gah, Ping gah gong gai dêh čar hơmâo ngă hră pơtrun akŏ pơdong 15 grup ping gah yua Ping gah gong gai wai lăng, hơmâo hơdôm grup ping gah ding jum anom bruă: Tơlơi phiăn, Tuh tia pơkra gơnam sĭ mơdrô, Gru grua, bơkơjăp drơi jăn hăng Tuai čuă ngui, Pơtom hiăp hăng čar rơngiao, Ia jrao, Pơtô hăng pơjuăt, Prăk kăk, Man pơdong, Ngă hmua hăng Ayuh hyiăng, Boh thâo ia rơgơi, Bruă čar, Djuai ania hăng Tơlơi đăo, Sang bruă prăk Kơnuk kơna, Grup hyu hơduah ĕp kơđi Kơnuk kơna hăng Grup ping gah djŏp Anom pơphô bruă, djru bruă mơ̆ng Ping gah gong gai dêh čar.

Tơdơi kơ brơi hră pơsit hăng bơno hơ-ơč 15 grup ping gah yua Ping gah gong gai wai lăng, pơhiăp ƀơi mông Jơnum, Khua dêh čar ơi Phạm Minh Chính git gai hơdôm Grup Ping gah yua Ping gah gong gai wai lăng tañ prăp rơmet giong anom bruă ping gah yua Ping gah gong gai wai lăng laih anun jao bruă djơ̆ tui tơlơi phiăn Ping gah; prăp rơmet giong anih anom mơnuih mă bruă; čih pơkra tơlơi phiăn mă bruă kiăo tui 5 hơdră git gai mơ̆ng ping gah laih anun kiăo tui tơlơi pơkă mơ̆ng Ping gah; pơƀut kơ mông Jơnum ruah khua ping gah djŏp gưl mơ̆ng grup ping gah plơi pla tui tơlơi pơčrâo trun mrô 35 mơ̆ng Ding jum Kơđi čar; Grup ping gah mă bruă kiăo tui tơlơi phiăn Ping gah git gai abih bang hăng gơgrong bruă hrŏm./.