Pơhiăp amăng mông jơnum, Khua mir sir dêh čar ơi Lương Cường bơni, pơsit yôm bruă prăp lui hơdôm bôh yôm pioh kơ jơlan hơdră pel ĕp, pơdah pran jua gơgrong mơ̆ng Grŭp apăn bruă Ping gah tơring čar Hưng Yên. Khua mir sir dêh čar rơkâo Grŭp apăn bruă Ping gah tơring čar Hưng Yên tañ đing nao ngă giong bruă lăi pơthâo glăi pel ĕp mă pô hrŏm hăng hơdôm mơta hră pơ-ar hmâo bơdjơ̆ nao, mơ-ĭt kơ Ding jum kơđi čar hăng Grŭp pel ĕp; gum hrŏm kơjăp, hmao tlôn, ngă gal brơi kơ Grŭp pel ĕp ngă giong bruă jao.

Črâo ba hơdôm khul grŭp ping gah, mơnuih ping gah gah Ping gah prăp lui bôh yôm lăi pơthâo glăi tui Akô̆ bruă pơtô brơi, lăi pơthâo djop, djơ̆, mrô ñu; gum hrŏm klă hăng Grŭp pel ĕp lơm pơphun pel ĕp, pơsit, biă ñu hơdôm tơlơi lăi pơthâo glăi kiăng kiăo tui bôh nik hmâo, lăi glăi djơ̆ tơlơi pok pơhai pơphun bruă ngă tui hơdôm bôh yôm dưi pel ĕp, črâo rơđah hơdôm bôh tơhnal dưi ngă, hơdră klă, pơčeh phrâo; hơdôm tơlơi akă dưi ngă hăng ba tơbiă jơlan pơsir pơ̆ anăp anai./.