Pơhiăp ƀơi mông jơnum, Khua dêh čar ơi Phạm Minh Chính bơni kơ tơlơi pơhiăp tơpă mơ̆ng ƀing ngă bruă sĭ mơdrô dêh čar Khač, pơdah rai pran jua tơlơi khăp, tơlơi gơgrong ba, tơlơi tơpă hăng ƀing ngă bruă sĭ mơdrô bơwih ƀong huă tơpă hơnơ̆ng, ba gru hlâo.

Khua dêh čar čang rơmang abih bang ƀing ngă bruă sĭ mơdrô mơ̆ng dêh čar Khač pơtrut bruă pơđĭ kyar ƀơwih ƀong huă ƀơi Việt Nam jing anih juă tơkai tơgŭ ngă bruă, pơkra ming gơnam sĭ mơdrô bơwih ƀong huă hăng ia rơgơi mrô, bơwih ƀong huă mơtah, ngă bruă pơhlôm ba akŏ klôn, hơđong kơjăp, kah pơpha tơdruă anŏ lăng nao pơ anăp adih, djru pơblih hmar, ba yua boh thâo ia rơgơi phrâo kơ Việt Nam, djru Việt Nam mơ̆ng anom bruă sĭ mơdrô anet, pơđĭ kyar jing anom bruă prong, hơmâo tơlơi thâo hruaih ba gơnam sĭ mơdrô hăng rơnoh yom amăng rŏng lŏn tơnah. Khua dêh čar kiăng ƀing ngă bruă sĭ mơdrô mơ̆ng dêh čar Khač djru Việt Nam hơdră ngă hrŏm kah pơpha boh tŭ yua bơkơnar, tơlơi truh ƀu tơphă ăt pơdjru ba, kiăng lăp hăng anŏ gêh găl mơ̆ng dua bơnah tom hơmâo.