Amăng mông jơnum lăi pơhing, Ding jum Kông ang brơi thâo, bruă mă, bruă jao mơ̆ng Ding jum amra tŭ mă 5 ƀut bruă jao mơ̆ng hơdôm ding jum, gơnong bruă. Kông ang tơring čar dưi dưm dăp, ngă rơbô̆t dô̆ gưl tơring čar hăng gưl să. Amăng tal dưm dăp, ngă rơbô̆t tal anai, khul kông ang hrŏ trun mơn 1 bôh anom, hrŏ trun 7 anih, 694 bôh ƀirô Kông ang gưl tơring glông; hrŏ trun giăm truh 6 rơbâo grŭp (gah Kông ang gưl tơring glông).

Ding jum Kông ang hmâo gum hrŏm laih hăng Anom pel ĕp kơđi tơlơi mơnuih ƀôn sang dêh čar, Sang phăt kơđi mơnuih ƀôn sang dêh čar kơsem min, čih pơkra, mă yua Tơlơi pơhing pioh pơsir abih bang hơdôm tơlơi amăng tơlơi gum  hrŏm bruă pel ĕp, mă djă pioh jăng jai, pơkŏng jăng jai, phăt kơđi kơplah wah ƀirô pel ĕp hăng Anom pel ĕp kơđi tơlơi mơnuih ƀôn sang, Sang phăt kơđi mơnuih ƀôn ang ƀơi tơring čar lơm ƀu hmâo bruă mă Kông ang gưl tơring glông./.