Tal anai hơmâo 8 čô khua mua dưi pơblih hăng pơđĭ bruă phrâo amăng tơring čar, amăng anun hơmâo 3 čô ding kơna ping gah tơring čar. Khul khua apăn bruă phun ping gah tơring čar ngă hră pơtrun ruah ơi Đinh Văn Tuấn, brơi pơdơi bruă ngă khua git gai ping gah tơring glông Di Linh glăi đĭ ngă Kơ-iăng Khua Jơnum min mơnuih ƀôn sang tơring čar Lâm Đồng rơwang bruă thun 2021-2026.

Laih dơ̆ng, ruah ơi Trần Hồng Quyết ngă Khua Gơnong bruă čar tơring čar, jao bruă kơ yă Phạm Thị Hồng Hải, Khua Gơnong bruă Pơtô hăng Pơjuăt ngă kơ-iăng khua Anom pơtô bruă ping gah hăng mơnuih ƀôn sang tơring čar. Pơđĭ bruă kơ ơi Vương Tôn Kiên ngă kơ-iăng khua ƀirô ping gah tơring čar; ơi Nguyễn Văn Hữu ngă Kơ-iăng khua ping gah tơring glông Đơn Dương.....

Pơhiăp git gai mông jao bruă, ơi Nguyễn Thái Học, khua apăn jăng jai git gai ping gah tơring čar Lâm Đồng lăi, bruă pơblih dăp glăi bruă mă anai, tui hăng bruă kiăng sit nik ƀơi tơring čar, gơnong bruă, mơnuih apăn bruă hơmâo dăp hlâo hăng ruah đĭ apăn bruă ngă khua yua anom bruă ping gah tơring čar pơsit, prăp lui kơ tal jơnum ruah khua ping gah tơring čar tal XII, ngă djơ̆ bruă ruah mơnuih hăng jao djơ̆ bruă apăn.