VOV4.Jarai-Mơguah lơ 31/1, tơring čar Dak Lak pơphun bưp ƀô̆ mơta ƀing pơ ala kơ mơnuih thâo hră, rơgơi kơhnâo, ƀing adoh suang akŏ thun phrâo Qúy Mão 2023.

VOV4.Jarai - Tơdơi kơ hơdôm hrơi pơdơi ƀong tết tui phiăn juăt Quý Mão, hơdôm anom bruă, anom bơwih ƀong sĭ mơdrô amăng đơ đam dêh čar pơwŏt glăi mă bruă hăng pran jua dik dak mơ-ak. Hrŏm hăng anun lĕ, mơnuih ƀon sang ăt glăk pơphun ngă hmua, pla pơjing, hăng tơlơi čang rơmang sa bơyan pơdai jor kơtor mơboh.

VOV4.Jarai-Kơ-iăng Khua dêh čar ơi Trần Hồng Hà pơhmư̆ hrom mông jơnum hăng ƀing čih tơlơi pơhing phrâo akŏ thun Qúy Mão 2023 pơphun mơguah lơ 31/1 ƀơi Hà Nội.

VOV4.Jarai-Tom brơi (31/1), ƀơi plơi prong Việt Trì, tơring čar Phú Thọ, Đại tướng ơi Tô Lâm, Ding kơna Ding jum kơđi čar, Khua ding jum kông ang git gai mông ngă lơphet “Tết pla kyâo thun 2023 mơng Ding jum kông ang-Yua kơ Việt Nam mơtah mơda”.

VOV4.Jarai – Hơdôm hrơi jĕ hăng anai, ƀơi tơring čar Daklak hmâo lu anih anom sĭ ia xăng ia jâu yôl hnal lăi pơhing abih ia xăng ia jâu, pơdơi sĭ.

VOV4.Jarai-Mơguah lơ 31/1, ƀơi Ƀirô Ping gah, Khua git gai Ping gah dêh čar ơi Nguyễn Phú Trọng git gai Jơnum khul apăn bruă Ping gah lăng glăi bruă pok pơhai ngă tui tơlơi črâo trun mrô 19 mơng Khul apăn bruă Ping gah kơ bruă pơphun Tết Quý Mão thun 2023; git gai sa, dua bruă jao akŏ phun mơng gơnong glông, djop gưl Ping gah pơ anăp anai.

VOV4.Jarai – Amăng hơdôm hrơi akô̆ thun phrâo, Khua git gai Ping gah, Jơnum min mơnuih ƀôn sang, Khul pơ ala mơnuih ƀôn sang hăng Jơnum min djop djuai ania mơnuih mơnam Daklak hmâo pơdŏng 4 grŭp hyu mă bruă pioh nao čuă, bư̆p ƀô̆ mơta mơnuih mă bruă ƀơi sa dua bôh sang bruă, anom bruă ƀơi tơring čar kiăng pơtrut pơsur hơdôm bôh anom yak rơgao tơnap

VOV4.Jarai – Anom bruă Kơnuk kơna dêh čar ta hmâo Hră pơ-ar lăi pơthâo glăi tơlơi gum pơhiăp mơng Khua dêh čar ơi Phạm Minh Chính tŭ ư pơphun Jơnum bơkơtuai mơng Khua dêh čar hăng hlăk ai thun 2023.

VOV4.Jarai-Tơdơi kơ 7 thun, hơmâo năng nai 310 ha lŏn dron ƀơi Dak Nông arăng mă abih laih eh pơsơi Bauxit, tơring čar hlăk rơkâo hơdôm ding jum gơnong dlông tañ hơmâo hơdră brơi glăi lŏn dron kơ tơring čar.

VOV4.Jarai – Mơguah lơ 31/1/2023, Ding jum sĭ mơdrô dêh čar hmâo git gai, gum hrom hăng hơdôm Ding jum, gơnong bruă, tơring čar, ƀôn prong, Khul sĭ mơdrô gơnam tam pơphun “Jơnum pơtrut sĭ mơdrô hăng hơdôm mơta bruă sĭ mơdrô dêh čar Việt Nam pơ̆ dêh čar tač rơngiao blan 1/2023”.