Khua mir sir ơi Võ Văn Thưởng tŭ jum Khua git gai pơ ala mơnuih ƀôn sang gơnong dlông Japan
Thứ năm, 14:34, 07/09/2023
VOV/Siu H'Mai Pơblang
VOV/Siu H'Mai Pơblang
VOV4.Jarai - Tlam lơ 6/9, ƀơi Sang bruă mir sir, Khua mir sir ơi Võ Văn Thưởng tŭ jum Khua git gai pơ ala mơnuih ƀôn sang gơnong dlông Japan Otsuji Hidehisa glăk rai čuă sit nik dêh čar Việt Nam.
Khua mir sir ơi Võ Văn Thưởng hok mơ-ak kơ bruă ngă hrŏm dua bơnah amăng hrơi blan rơgao, hăng tơlơi đăo kơnang jai hrơi kơjăp tui, ngă atur kơ djŏp bruă ngă hrŏm dua bơnah. Amăng bruă bơwih ƀong, Khua mir sir ơi Võ Văn Thưởng lăi, dêh čar Japan jing gŏp ngă hrŏm prong mơ̆ng Việt Nam.
Amăng 50 thun ngă hrŏm, Khua mir sir ơi Võ Văn Thưởng kiăng dua boh dêh čar pơtrut tui bruă pơbưp khua mua, bơkơtuai kiăng pơđĭ tui tơlơi rô nao rai dua bơnah amăng hrơi blan pơ anăp; pơtrut tui tơlơi ngă hrŏm dua boh dêh čar amăng djŏp bruă bơwih ƀong, sĭ mơdrô, tuh pơ alin, pơtô hrăm, pơkra măi mok boh thâo phrâo, gru grua...
Viết bình luận