Anai jing bruă yôm biă mă kiăng hơkrŭ kơjăp hloh tơlơi rô nao rai kơplah wah 3 ping gah hăng mơnuih ƀôn sang 3 boh dêh čar Việt Nam - Kur - Lao amăng hrơi mông ƀơi jar kmar, amăng kual glăk bưp lu tơlơi rung răng, laih anun wơ̆t hăng 3 ping gah mut amăng hrơi mông pơđĭ kyar phrâo. ƀơi mông bưp, hơdôm bơnah hơmâo lăi pơthâo nao rai bruă mă mơ̆ng rim ping gah, rim boh lŏn ia, biă ñu bruă akŏ pơjing ping gah hăng pơđĭ kyar bơwih ƀong huă - mơnuih mơnam; lăi nao bruă hơmâo ƀơi rŏng lŏn tơnah, amăng kual phrâo anai hăng hơdôm tơlơi mơ̆ 3 bơnah lăp đing nao; pơtŏng glăi bruă ngă hrŏm 3 Ping gah, 3 boh lŏn ia amăng hrơi blan rơgao.

Khua mua 3 anom bruă Ping gah tŭ ư jơlan ngă bruă prong kơ tơlơi rô nao rai 3 ping gah, 3 boh lŏn ia amăng djŏp bruă yua kơ tơlơi klă hiam mơ̆ng abih bang mơnuih ƀôn sang 3 boh dêh čar amăng hrơi blan pơ anăp. Klâo bơnah tŭ ư pơtrut tui tŭ yua hơdôm tơlơi ngă hrŏm glăk ngă, kơsem min čih pơkra tơlơi phiăn ngă hrŏm phrâo đah mơ̆ng pơđĭ tui tơlơi rô nao rai ngă hrŏm kơplah wah 3 ping gah, 3 boh dêh čar yua kơ tơlơi klă hiam mơ̆ng 3 boh dêh čar, yua kơ tơlơi rơngai, hơđong kơjăp, ngă hrŏm hăng pơđĭ kyar amăng kual wơ̆t hăng ƀơi rŏng lŏn tơnah.