Dua čô khua lăi, tui hăng atur rơnoh yôm  mơ̆ng tơlơi ngă giăng mah dua bơnah hơmâo mơ̆ng rơnuk Khua mir sir Hồ Chí Minh hăng Khua mir sir Soekarno akŏ pơjing, dua boh dêh čar amra kơtưn pơtrut tui bruă rô nao rai khua mua djop gưl pơ anăp, ngă tơhnal kiăng akŏ pơjing hơdor glăi 10 thun ngă giăng mah yôm phara amăng thun 2023 laih anun anăp nao tal hơdor glăi jơnum prong 70 thun ngă giăng mah hăng 80 thun hrơi akŏ pơdong kơnuk kơna lŏn ia dua boh dêh čar amăng thun 2025;

Tŭ ư ngă hrŏm dua bơnah hăng gum hrŏm pok pơhai kă hơdôm hră pơkôl, tŭ ư hơmâo kĭ laih, amăng anun ba hră kĭ pơkôl ngă hrŏm  amăng kual ia rơsĭ tañ ngă tui sit nikm pơjing pran kơtang pơtrut bruă ngă giăng mah yôm phara pơđĭ kyar amăng yak phrâo dlông hloh, anăp nao bruă ngă hrŏm hlom bom tañ kơñ pơgi ni anăp; gir run ba rơnoh prăk sĭ mơdrô dua bơnah dưi pơhrui glăi truh 15 klai USD amăng thun 2028.