VOV4.Jarai-Hră mơ-it pơpŭ thun phrâo mơ̆ng Khua git gai ping gah dêh čar ta ơi Nguyễn Phú Trọng pơtruh brơi kơ mơnuih ƀôn sang, ling tơhan amăng đơ đam dêh čar.

VOV4.Jarai - Thun 2022 lĕ thun hmâo lu tơlơi lông hăng neh wa Jarai ƀơi plơi Kloong, să guai lŏn ia Ia O, tơring glông Ia Grai, tơring čar Gialai. Tơdơi kơ klin Covid-19, thâo neh wa kiăng bruă mă anun sa dua čô mơnuih sat plư̆ mă ba mơnuih plơi Kloong nao pơ̆ dêh čar Kur kiăng hơduah mă prăk song mă.

VOV4.Jarai-Tơring čar Kon Tum hơmâo rơbêh 292 km glông guai hăng dêh čar Lao, Kur. Hơdôm hrơi anai kơtuai tui guai lŏn ia, mơnuih ƀon sang 13 boh să giăm guai gah 4 boh tơring glông Đăk Glei, Ngọc Hồi, Sa Thầy hăng Ia H’Drai tơring čar Kon Tum hrŏm hăng ƀing apăn bruă, ling tơhan glăk prap čơkă Tết tui phiăn juăt Quý Mão 2023 hăng tơlơi hok mơ-ak.

VOV4.Jarai - Ƀing ta gum hrom nao pơ̆ plơi pla Dăp Kơdư, hơduah ĕp lăng tơlơi prăp lui čơkă thun phrâo hăng hơdôm bruă mă mơng hơdôm khul gong gai ƀơi plơi pla bơwih Tết kơ mơnuih ƀôn sang ƀơi Dăp Kơdư kiăng hmâo sa Tết pơđao, yâu mơ-ak hăng pơsit pran jua ƀu pioh sang anô̆ mơnuih ƀôn sang hơpă kơƀah rơpa amăng tal Tết tui phiăn juăt Quý Mão

VOV4.Jarai-Hrŏm hăng đơ đam dêh čar ling tơhan hăng mơnuih ƀon sang ƀơi kual giăm guai hơdôm boh tơring čar kual Dap kơdư ăt glăk čơkă thun phrâo dik dak mơ-ak, bă blai pran gum pơgôp. Ling tơhan hăng mơnuih ƀon sang mut hrŏm, kual Dap kơdư glăk pơjing bruă wai pơgang amăng abih bang mơnuih hăng pơhlôm hơđong ƀơi kual giăm guai.

VOV4.Jarai-Tết Quý Mão jê̆ giăm laih, bơyan bơnga trun rai đơ đam dêh čar, abih bang mơnuih dik dak nao blơi gơnam; hăt he rơmet rơnăk amăng sang, jum dar plơi pla. Bơyan bơnga trun rai ngă hur har amăng pran jua čơkă thun phrâo tum jơngum, hăng hơdôm tơlơi pơplih amăng plơi pla hăng gru grua hiam phara hơmâo djă pioh, pơlir hơbit.

VOV4.Jarai - Ping gah ƀôn prong, Khul pơ ala mơnuih ƀon sang, Jơnum min mơnuih ƀon sang, Jơnum min djop djuai ania mơnuih mơnam Việt Nam ƀôn prong Hồ Chí Minh pơphun mông ngă lơphet pơyơr đĭ ƀañ tek brơi kơ ơi pơtao Hùng Vương ƀrô bơyan čơkă thun phrâo 2023.

VOV4.Jarai-Khul apăn bruă Ping gah dêh čar tal XIII hơmâo jơnum sem lăng hăng pơgôp hiăp ngă tui tơlơi kiăng pơdơi apăn bruă hăng pơdơi lơtret mơng ơi Nguyễn Xuân Phúc, Ding kơna Ding jum kơđi čar, Ding kơna Khul apăn bruă Ping gah tal XIII, Khua mir sir dêh čar Việt Nam, Khua Khul apăn bruă Ling tơhan, wai pơgang rơnuk rơnua rơwang thun 2021-2026.

VOV4.Jarai – Čơtlăm lơ 17/1, ƀơi Ƀirô mă bruă Ping gah, Khua git gai Ping gah dêh čar ơi Nguyễn Phú Trọng hmâo tŭ jum Khua git gai wai lăng pơ ala mơnuih ƀôn sang dêh čar Hàn Quốc Kim Jin Pyo glăk hmâo tal rai čuă dêh čar Việt Nam.

VOV4.Jarai – Mơguah lơ 17/1, tơring čar Bến Tre pơphun ngă lơphet hơdor glăi 63 thun Hrơi Bến Tre pok phun Tơgŭ hơkrŭ (17/1/1960-17/1/2023); pơpŭ hăng ƀơk hră anăn “Mơnuih tơgŭ hơkrŭ thâo”, “Mơnuih tơgŭ hơkrŭ ư-ang”, ƀơk Miđai Ping gah tal 3/2.