Čih ƀơi pra yang wa, Khua mir sir pơdah tơlơi hơdor tơngia pran gum pơgôp prong prin mơng Khua mir sir Hồ Chí Minh. “Ƀing ană tơčô amra ƀu pơdơi hrăm, ngă tui tơlơi pơmĭn, gru hơdip hiam klă mơng wa; thâo gum pơgôp, gir run, “Pơjing lŏn ia Việt Nam rơnuk rơnua, pơlir hơbit, rơngai, ngă pô hăng pơdrong asah, pơgôp amăng bruă ngă hơkrŭ amăng rŏng lŏn tơnah” tui tơlơi čih pioh mơng wa. Tal hơdor glăi 54 thun hrơi wa rơngiă, 54 thun ngă tui tơlơi čih pioh mơng wa, lĕ hrơi mông kiăng Ping gah, abih bang mơnuih ƀon sang hăng ling tơhan pioh hơdor hăng pơpŭ bơni hơdôm tơlơi gum pơgôp prong prin mơng wa hăng djuai ania Việt Nam.

Anai ăt hrơi mông kiăng abih bang mơnuih apăn bruă, mơnuih ƀon sang tŏ tui pơtrut hrăm hăng ngă tui gru hơdip mơng Hồ Chí Minh. Mơng anun, pơtrut dong pran đăo gơnang hăng hrưn đĭ mơng djuai ania kiăng pơjing lŏn ia Việt Nam pran kơtang, bơkơnar hăng hơdôm boh dêh čar pơgi kơdih anai tui hăng tơlơi čang rơmang mơng Khua mir sir Hồ Chí Minh.