Tal pơplông hơmâo 19 grup hăng 190 čô mơnuih nao pơplông hrŏm kiăng pơdah tơlơi thâo thăi hăng abih pran jua amăng pơtô ba mơnuih ƀon sang. Hăng 3 črăn hơmâo tơña blan, boh thâo pơsir hĭ bruă hăng ngă sen amăng pơtô ba mơnuih ƀôn sang, hơdôm grup hơmâo ba nao hơdôm boh tơhnal pơplông dik dak mơ-ak.

Tui khul pơphun, hơdôm grup hơmâo tơlơi prap lui hlâo, tong ten, djop mơta. Amăng anun, tơlơi pơplông pơsir bruă hăng hơdôm tơlơi ngă sen pơdah mơng tơlơi sit nik amăng pơtô pơblang, hơdôm tơlơi anai lêng kơ yôm soh. Khul pơphun hơmâo jao pri prong hloh brơi 11 grup, 3 pri kiăo tui tlôn brơi hơdôm grup hơmâo tơlơi pơplông yôm phara, tơlơi ngă sen mơ-ak hăng tơlơi kơkuh tơña bla djơ̆ hloh. Amăng anun, gruơ pơplông mơng gơnong bruă gru grua, bơrơguăt drơi jăn hăng tuai čuă ngui Dak Lak hơmâo mă pri prong hloh.