Anai lĕ anih hrăm tal sa, hăng 52 čô Ding kơna Ping gah dêh čar gum hrŏm, hmâo pơhrăm, lăi nao 9 akô̆ bruă. Hơdôm akô̆ bruă lĕ hơdôm tơlơi ngă, phun, phun rah ječ rah mơng lŏn ia ta amăng rơwang ră anai. Bôh yôm mơng akô̆ bruă dưi lăi nao, pơkĕ hrŏm hăng hơdôm tơlơi pơblang hăng bôh nik phrâo hloh mơng lŏn ia hăng rŏng lŏn tơnah, kiăo tui pran jua Jơnum khua pơ ala đơ đam dêh čar tal 13 mơng Ping gah hăng hơdôm Tơlơi pơtrun pơsit mơng Kơnuk kơna, mơng Ding jum kơđi čar, Grŭp mă bruă Ping gah, Khua pơ ala mơnuih ƀôn sang, Gong gai dêh čar mơng akô̆ rơwang bruă truh ră anai hăng sa akô̆ bruă jar kơmar yua kơ pô juăt bruă pơdŏng Ping gah mơng lŏn ia gơyut lăi pơthâo tơlơi găn rơgao kơ pơplih pơphun bruă, glông bruă mơng Ping gah hăng Kơnuk kơna.

Pơhiăp pơđut mông pơjưh anih hrăm, Khua Grŭp mă bruă Ping gah dêh čar ta, yă Trương Thị Mai lăi rơđah, anai lĕ tơlơi kiăng ƀing ding kơna Ping gah dêh čar pơhrua nao dong hơdôm tơlơi pơhing hơdôm tơlơi bơdjơ̆ nao truh Tơlơi pơtrun pơsit jơnum prong tal 13; lăi pơthâo tơlơi găn rơgao, pơhrua nao dong kơ tơlơi pơblang kiăng hmâo tơlơi đăo gơnang, pran gơgrong bruă kơđi čar kiăng gơgrong ba dong bruă pơ̆ anăp anai tui tơlơi pơpha mơng Ping gah./.