Tơdơi kơ mông čơkă, ơi Vương Đình Huệ hơmâo jơnum bơkơtuai hăng Khua git gai pơ ala mơnuih ƀôn sang gơnong glông Japan. Amăng mông bưp, dua čô khua brơi thâo, mơng hrơi akŏ pơjing tơlơi rô nao rai “Ngă hrŏm dơlăm yua kơ tơlơi rơnuk rơnua hăng pơdrong asah ƀơi kual Asia”, bruă ngă hrŏm kơplah wah dua boh dêh čar glăk pơđĭ kyar hiam klă hăng tơlơi đăo gơnang prong hloh, anai lĕ akŏ phun kiăng ngă hrŏm djop mơta hăng dơlăm tui kiăng ba glăi tơlơi dưi amăng djop mơta.

Kiăng kơtưn ƀiă dong tơlơi rô nao rai kơplah wah anom bruă phiah phiăn, ơi Vương Đình Huệ rơkâo, dua bơnah pơtrut ngă hrŏm, pơlăi nao rai tơlơi găn rơgao kơplah wah Jơnum min bơdjơ̆ nao; ngă tui tơlơi gơgrong yôm phăn, gum hrŏm amăng pơgiong hơdră bruă, čih pơkra tơlơi phiăn djru brơi hơdôm anom bơwih ƀong sĭ mơdrô dua bơnah pok prong ngă hrŏm, tuh pơ alin ƀơi rĭm boh dêh čar.