Khua git gai Ping gah dêh čar tŭ yap hăng rơkâo dua anom bruă pơtôm hiăp tŏ tui gum hrŏm kjăp, ngă tui boh tŭ yua amăng pơbưp tui tơđar kơplah wah Khua anom bruă pơtom hiăp dêh čar, pơtrut ngă hrŏm kơplah wah hơdôm anom pơphô bruă mơng dua Ping gah, hrưn đĭ tơlơi gơgrong anăp nao yôm phăn amăng tơlơi rô nao rai kơplah wah dua Ping gah hrŏm hăng djop tơlơi rô nao rai dua bơnah, hluai tui hơdôm bruă mă sit nik kiăng ngă tui tơlơi pơsit hrŏm amăng tal nao čuă sit nik dêh čar Khač laih rơgao, mơng anun ba tơlơi rô nao rai ngă hrŏm giang mah kơplah wah dua Ping gah, dua dêh čar jai prong tui.

Ơi Lưu Kiến Siêu pơdah tơlơi tŭ ư hăng amra tŭ mă hơdôm tơlơi pơgôp hiăp anăp nao yôm phăn mơng Khua git gai Ping gah dêh čar ơi Nguyễn Phú Trọng amăng kơtưn ngă hrŏm kơplah wah dua Ping gah, dua Kơnuk kơna.