VOV. Jarai-Tơdơi kơ pơmut hrŏm sang bruă kơnuk kơna, tơring čar Khánh Hòa hlăk dong ƀơi anăp tơlơi jŭ yap khom pơsir hơdôm boh sang bruă, lŏn đang dŏ rơbêh.

OV.Jarai-Ngă bruă hăng Jơnum min wai lăng anŏ kiăng mơ̆ng mơnuih ƀôn sang hăng Krăp lăng tlam lơ 25/5, ơi Trần Thanh Mẫn, Khua git gai pơ ala mơnuih ƀôn sang dêh čar lăi pơtong, mơnuih ruah khua hăng mơnuih ƀôn sang amăng dêh čar čang rơmang biă mă hăng sang bruă khua pơ ala mơnuih ƀôn sang dêh čar rơwang bruă anai, anun lĕ ƀu kơnong pơđing hmưư đôč ôh, khom kiăo tui đut tơhnal amăng djop bruă; ƀu kơnong krăp lăng đôč ôh, pơjing rai tơlơi pơblih phrâo; ƀu kơnong čih pơƀut ôh, truh rơkâo đĭ, dŏ ƀuh tañ hơdôm tơlơi aka ƀu găl amăng jơlan hơdră, pơhŭi hlâo tơlơi či hơmâo hăng pơtrut bruă mă glăm ba mŏng djop sang bruă hơmâo tơlơi dưi.

VOV.Jarai-Tơdơi kơ giăm ha thun pok pơhai gong gai ƀon lan dua gưl, lu să, phương ƀơi Khánh Hòa glăk dong ƀơi anăp lu tơlơi glêh tơnap bơdjơ̆ nao mơnuih apăn bruă, hơdră djru hăng pơplih yua boh thâo phrâo. Amăng jơnum pơlăi nao rai kơplah wah Ping gah tơring čar Khánh Hòa hăng ƀing apăn bruă, mơnuih mă bruă gưl să phrâo anai brơi ƀuh, tơlơi rơkâo sit nik kiăng tañ pơsir hĭ hơdôm tơlơi gun kiăng hrưn đĭ tŭ yua ƀiă amăng bruă mă mơng gong gai ƀon lan.

VOV.Jarai-Mơguah lơ 25/5, ƀơi Ƀirô mă bruă, Khua git gai pơ ala mơnuih ƀôn sang dêh čar ơi Trần Thanh Mẫn hơmâo git gai jơnum hăng Khul djru bruă Jơnum min boh thâo ia rơgơi, boh thâo măi mok hăng ayuh hyiăng lŏn mơnai mơng Ƀirô Khua pơ ala mơnuih ƀon sang.

VOV.Jarai - Ƀơi Hà Nội, Khua anom pơtô bruă Ping gah hăng pơtô ba mơnuih ƀôn sang dêh čar ơi Trịnh Văn Quyết, hrŏm hăng khua mua nao čuă, bơni hơ-ơč kơ Khul đăo phơ̆t Việt Nam, ƀrô hrơi ngă yang Phật đản Phật lịch 2570 - Dương lịch 2026, ƀơi sang čua Quán Sứ.

VOV.Jarai - Jơnum min mơnuih ƀôn sang tơring čar Khánh Hoà phrâo pơtrun bruă ruah mơnuih mă bruă thun 2026 či pơhrua tui mơnuih mă bruă rơgơi, thâo pơmin, djơ̆ hăng tơlơi kiăng mă bruă ƀơi hơdôm anom bruă, hăng ƀơi să phường amăng tơring čar.

VOV.Jarai-Khul črâo ba bruă brơi tơbiă sang krư̆ hlâo thun pơkă thun 2026 hơmâo sem lăng rơbêh 10.000 hră pơ-ar ƀing mơnă djop tơlơi gal brơi tơbiă sang krư̆ tañ ƀiă

VOV. Jarai-Pơkă hnơ̆ng pơđĭ kyar bruă tuh tia pơkra pơjing, kơtưn lir hơbit lu kual, pok pơhai bruă čơkă tuai hăng bruă djă pioh gru grua hiam…jing boh yom phun lăp đing nao amăng mông jơnum bơkơtuai pơgôp hiăp čih pơkra pơkă hnơ̆ng glăi tơring čar Dak Lak mơ̆ng thun 2021-2030, lăng nao pơ anăp adih truh thun 2050, pơphun jơnum ƀơi Ƀuôn Ma Thuôt, hơmâo lu mơnuih rơgơi kơhnâo, khua mua git gai wai lăng hăng sang bruă mơdrô tuh pơ alin amăng dêh čar.

VOV. Jarai-Pơgăn tơlơi sat răm taih amang amăng sang hră khom thâo mơ̆ng phun tơdŭ ñu: akŏ pơdong anih anom sang hră hrăm rơnuk rơnua, hiam klă hăng čơđai sang hră khom đing hmư̆, gưt hiăp, dưi kah pơpha, djru ba tơlơi pơmin klă hmao kru.

VOV.Jarai-Khua mua jơnum min mơnuih ƀôn sang tơring čar Quảng Ngãi pơtrun hiăp tuh pơ alin, ƀing khua pô sang bruă tuh pơ alin hăng djop să khom ƀuăn ngă tui djơ̆ tơhnal pơkă rim blan, mơ-it akŏ bruă či ngă tui rơđah rơđong, pioh pơ alin hĭ, krăp lăng.