Jơnum anai hơmâo 310 čô mơnuih pơ ala jing ƀing ngă hơkrŭ hăng sang anŏ hơmâo mơnuih djai pơsăn drơi jăn yua kơ lŏn ia mơ̆ng 34 boh tơring čar, ƀôn prong amăng dêh čar. Ƀơi mông jơnum, Khua dêh čar hrŏm hăng ƀing khua mua ping gah, kơnuk kơna hơmâo ƀơk gơnam hơdor tơngia kơ ƀing neh wa pơ anăn amĭ Việt Nam khin hơtai, jao glăi gơnam hơdor pioh kơ sang anŏ hơmâo mơnuih pơsăn drơi jăn yua kơ lŏn ia laih anunm pơphun bruă ngă “ Hơdor tơngia tla pran”.

Đĭ pơhiăp ƀơi mông jơnum, Khua dêh čar ơi Lê Minh Hưng lăi pơtong, tơlơi gơgrong ba djă pioh, hơdor na nao boh tơhnal yom pơphăn mơ̆ng tơlơi tuh drah pơčah asar prong prin mơ̆ng hơdôm rơnuk anong wa nao hlâo, ngă bruă hơkrŭ kơ lŏn ia; rơkâo ăt khom ngă pơgiong jơlan hơdră, tơlơi phiăn pơtrun djru ba mơnuih ngă bruă hơkrŭ, pơtrut bruă hyu hơduah ĕp, kuai mă, pơtum pơƀut tơlang ƀing tơhan pơsăn drơi, kiăng đing nao lu hloh kơ sang anŏ hơmâo ngă hơkrŭ kơ lŏn ia laih anun pơtô lăi kơ pran jua mă b ruă hur har khăp kơ lŏn ia brơi hlăk ai, čơđai rơnuk anai thâo hluh. Laih dơ̆ng, Khua dêh čar iâu pơthưr abih bang mơnuih mơnam amăng dêh čar ngă tui tơlơi jak iâu, pơtrut kơtang bruă wai lăng, djru ba sang anŏ ngă hơkrŭ, anăp nao hơdor glăi tal 80 thun Hrơi pioh kơ tơhan rơka rơkač-mơnuih djai pơsăn drơi jăn yua kơ lŏn ia.