Bơni kơ tơlơi prăp rơmet hlâo hăng gir run mơ̆ng abih bang ling tơhan ƀô̆ đô̆i, kông an hrŏm hăng gong gai pơ anai amăng bruă ba pơđuăi giăm 1.700 čô mơnuih ƀôn sang tơbiă mơ̆ng anih hŭi rơhyưt, Kơ-iăng khua kiăng hơdôm anom bruă krăp lăng, khut ƀu brơi neh wa pơwơ̆t glăi pơ anih hơđăp lơ̆m aka ƀu pơhlom rơnuk rơnua.

Hăng hơdră akŏ pơdong plơi phrâo, tơring čar Lai Châu rơkâo đĭ Gơnong dlông sem lăng djru prăk ba pơđuăi ječ ameč năng ai 200 boh sang anŏ mơ̆ng anih lŏn tơhlŏm kơtang. Rơngiao kơ tơlơi djru mơ̆ng Kơnuk kơna, Kơ-iăng khua dêh čar rơkâo Jơnum min djŏp djuai ania mơnuih mơnam Việt Nam hrŏm hăng djŏp khul grup gir iâu pơthưr abih bang mơnuih gum djru, ječ ameč blơi gơnam, pơkra brơi hơdôm gơnam kiăng yua hloh, djru mơnuih ƀôn sang pơ anih ia lip Mường Than tañ hơđong tơlơi hơdip./.