Lâm Đồng tô glăi hăng pok prong glông por amăng jar kmar
Thứ tư, 10:24, 22/07/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Prap brơi tơdron rơdêh por jar kmar Liên Khương pok glăi dong mơng kơnôl 19/8, tơring čar Lâm Đồng phrâo ba tơbiă akŏ bruă tô glăi hăng pok prong hơdôm glông por tơkuh nao rai.
Amăng 90 hrơi blung a pok glăi, tơring čar đing nao pơhlôm hơđong brơi glông por nao pơ ƀôn prong Hồ Chí Minh, Hà Nội, Đà Nẵng, Hải Phòng, Cần Thơ; laih dong pơtrut pok glông por nao pơ Huế, Phú Quốc amăng rơnuč thun.
Kơ glông por amăng jar kmar, rơngiao kơ bruă tŏ tui glông por mơng Đà Lạt-Kuala Lumpur, Lâm Đồng ăt đing nao bruă tô glăi glông por nao pơ Incheon (Hàn Quốc) dong mơng blan 12/2026 hăng dưi por nao rai 4 wŏt amăng ha wŏt hrơi tơjuh, pok glông por Singapore 3 wŏt ha wŏt hrơi tơjuh hăng glăk ĕp lăng kiăng dưi por nao rai hăng dêh čar Thái Lan, Đài Loan (Khač). Him lăng 4 blan rơnuč thun, tơdron rơdêh por Liên Khương amra pơgiăng giăm 816.000 wŏt tuai.
Viết bình luận