Pơsit tong tơlơi rô nao rai dua bơnah ăt dŏ lu tơlơi gal hăng tơlơi dưi pơprong kiăng pok prong ngă hrŏm sit nik, tŭ yua ƀiă dong, Khua dêh čar ơi Lê Minh Hưng rơkâo dua bơnah gum hrŏm kjăp kiăng hrưn đĭ tơlơi rô nao rai pơ anăp dong. Yôm hloh lĕ kơtưn pơbưp nao rai khua mua djop gưl, đing nao pơtrut hơdôm tal hyu čuă mơng khua mua pơprong; rơkâo gah dêh čar Canada tŏ tui pok bah amăng brơi gơnam tam Việt Nam, sit biă ñu gơnam đang hmua, kyâo pơtâo, akan hơdang. Laih dong, pơsur anom bơwih ƀong sĭ mơdrô Canada pơtrut tuh pơ alin amăng hơdôm akŏ bruă phun kơ apui lơtrik, bơwih ƀong huă mơtah hăng bơwih ƀong rô nao rai.

Gah ƀing gơñu, Khua dêh čar Canada Mark Carney pơsit tong Việt Nam lĕ bơnah ngă hrŏm yôm phăn amăng kual ASEAN hăng kual Ấn Độ Dương-Thái Bình Dương. Dua boh dêh čar kiăng kah pơpha nao rai tơlơi dưi hrŏm hluai tui pran đăo gơnang kơđi čar, sĭ mơdrô-tuh pơ alin pok prong hăng pơbưp nao rai mơnuih ƀôn sang jai dơlăm; gah dêh čar Canada ƀuăn hrŏm hăng Việt Nam pơtrut ngă hrŏm jai hrơi pơđĭ kyar.