Amăng mông jơnum, Khul apăn bruă Ping gah tơring čar hơmâo jao 11 tơlơi pơtrun kơ bruă ruah, pơplih hăng pơhrua mơnuih apăn bruă. Sit biă ñu, ơi Trần Xuân Túc ruah ngă kơ-iăng Khua Jơnum min pel ĕp Ping gah tơring čar; ơi Trần Văn Tân ngă Khua git gai Ping gah phương Phú Yên; ơi Ya Toan Êñuôl ngă kơ-iăng Khua anom pơtô bruă Ping gah hăng pơtô ba mơnuih ƀôn sang Ping gah tơring čar. Laih dong, Khul apăn bruă Jơnum min pơ ala mơnuih ƀôn sang tơring čar ruah ơi Hoàng Trọng Hùng hăng ơi Lê Phúc Long ngă kơ-iăng Khua  khul khua mua pơ ala mơnuih ƀôn sang hăng Jơnum min pơ ala mơnuih ƀôn sang tơring čar.

Ƀrô tal anai, Khua Jơnum min mơnuih ƀon sang tơring čar ăt jao tơlơi pơsit ruah pơhrua 5 čô mơnuih apăn bruă wai lăng ƀơi hơdôm gơnong bruă, sang bruă hăng anom bơwih ƀong sĭ mơdrô, amăng anun ơi Y Hương Niê ngă kơ-iăng Khua gơnong bruă boh thâo ia rơgơi, ơi Nguyễn Hòang Phúc ngă kơ-iăng khua anom bruă wai lăng kual bơwih ƀong Phú Yên.