Tui hăng tơlơi lăi pơthâo hlâo, bơyan phang phrâo anai, Grup K52 tơring čar Gia Lai hơmâo rŭ mă pơtum pơƀut 18 per tơlang ƀing tơhan pơsăn drơi dêh čar ta djai ƀơi dêh čar Kur hăng 27 per tơlang ĕp ƀuh amăng tơring čar. Ngă tui bruă jak iâu “ Ngă bruă 500 hrơi mlam”, Gia Lai hơmâo čih pơmut anăn 42 rơbâo boh pơsat hăng mă 2.705 meh pơčrang AND.

Klah čun ƀơi mông jơnum, yă Nguyễn Thị Thanh Lịch, Kơ-iăng khua jơnum min mơnuih ƀôn sang tơring čar Gia Lai pơtă pơtăn, bruă hyu hơduah ĕp hăng pơtong glăi anăn ƀing tơhan djai pơsăn drơi jăn yua kơ lŏn ia khom kơđiăng tong ten laih anun lăng sa bruă mă kơđi čar yom pơphăn biă mă, kiăng abih bang ngă bruă hăng pran jua luă gŭ, pơpư̆ hiam, glăm ba prong hloh. Ñu pơtrun hiăp djop sang bruă, khul grup tañ ĕp glăi tơlơi pơhing, biă mă ñu anih pơsat dor lu mơnuih sa luh ƀơi Đak Pơ, Đồi Xuân Sơn, Čư̆ Prong, laih anun lăi pơthâo hnơ̆ng bruă mă kiăng thâo hơdơ̆ pă, ƀu yap ngă bruă hrơi hăng mlam ôh; jao kơ Khua anom bruă tơhan tơring čar lăi pơthâo hơdră či mă bruă, pơgiăng ba meh tơlang pơčrang AND tañ hloh, rơnuk rơnua hloh.