Hlâo anun, amăng mơguah kơnôl 20/7, git gai hăng đĭ pơhiăp amăng mông jơnum, Khua git gai Ping gah, Khua mir sir ơi Tô Lâm lăi pơtong: Jơnum tal anai yôm phăn biă mă kiăng ngă tui hơdôm jơlan gah akŏ phun mơng tơlơi pơtrun Jơnum tal XIV ngă jing bruă tong ten pơsir hĭ hơdôm tơlơi gun, pok phư ngăn rơnoh hăng ngă pơtrut pơđĭ kyar phrâo.

Khua git gai Ping gah, Khua mir sir ơi Tô Lâm rơkâo ƀing khua mua đing nao pơčrông sai 13 boh tơhnal akŏ phun dong amăng lu bruă, pơgôp hiăp ƀơi anăp amăng črăn tơlơi pơtrun hăng jơlan hơdră bruă mă. Sit biă ñu, hơdôm tơlơi pơgôp hiăp kiăng ber ƀiă, tong ten, rơkâo hơmâo hơdră tong ten kiăng hrưn đĭ amăng wai lăng dêh čar, lăng ngă djơ̆ pran hăng tơlơi hơdip trơi pơđao mơng mơnuih ƀôn sang jing tơlơi pơkă prong hloh.