Jơnum tal anai, Khul khua apăn bruă Ping gah amra sem lăng, pơsit hơdôm bruă yom phun pok pơhai ngă tui Tơlơi pơtrun Jơnum ping gah dêh čar tal 14, bruă akŏ pơdong Ping gah, anom bruă kơđi čar hăng đĭ kyar lŏn ia amăng thun blan phrâo.

Pơhiăp ƀơi mông Jơnum, Khua ping gah, Khua mir sir ơi Tô Lâm lăi dlăm, Jơnum ping gah tal 14 pơsit rơđah jơlan gah ngă bruă pơprong; Jơnum ping gah lok 3 khŏm pơjing hơdôm jơlan gah anun jing tơlơi pơsit yom khŏm ngă đah mơ̆ng pơsir hĭ anŏ kơđông, bruă hruaih brơi djŏp tơlơi hơmâo laih anun pơjing rai tơlơi gêh gal phrâo či đĭ kyar. 13 tơlơi ba pơčrông ƀơi mông Jơnum lăi nao lu bruă phara, samơ̆ anăp nao anŏ yom prong hloh, kiăng dưi git gai rơgơi hloh, ngă akŏ, wai lăng, mă bruă, đĭ kyar hăng pơgang lŏn ia amăng rơnuk anai. Khua ping gah, Khua mir sir kiăng, Ping gah dêh čar pơƀut pơčrông sai dlăm ƀơi grup ngă bruă, pơdah tơlơi pơmin ƀơi anih jơnum hlao, pơgôp hiăp amăng Tơlơi pơtrun, Jơlan hơdră ngă bruă; pơhiăp kiăng tum teč, djơ̆ akŏ, rơđah tơlơi pơmin, rơđah tơlơi rơkâo, rơđah hơdră pơsir ruah mă; gum čih pơkra pơgiong hĭ hơdră pơsit prong mơ̆ng Ping gah./.