Truh ră anai, Gai Lai hơmâo pơkra giong 91/110 apui lơtrik pơđuăi giăm 5.000 MW, dưm dưm hăng 90% jua pơđuăi apui hơmâo kah pơpha. Ƀơi mông ngă bruă, Jơnum min mơnuih ƀôn sang tơring čar Gia Lai rơkâo kơ Ding jum pơkra gơnam hăng sĭ mơdrô sem lăng pơđĭ tui jua apui pơkĕ mơ̆ng angin hăng apui hrip pơ-iă yang hrơi lăp djơ̆ hăng tơlơi hơmâo mơ̆ng tơring; tañ pơkă nua pơđuăi apui thun 2026; pơtrut tuh pơ alin pơkra hrĕ dăng apui; pơsir hĭ anŏ gun kiăng dua kơčăo bruă apui lơtrik pơkĕ jua angin Chơ Long hăng Yang Trung tañ hơmâo tŭ yap, kĭ hră dưi ba sĭ, laih dong hơmâo hơdră pơhrŏ ƀiă pơđuăi apui mơ̆ng hơdôm sang măi apui lơtrik phrâo.

Pơhiăp ƀơi mông mă bruă, khua mua Ding jum pơkra gơnam sĭ mơdrô bơni biă kơ bruă pok pơhai Dăp rơmet pơkra apui mrô VIII mơ̆ng Gia Lai. Laih dong kiăng tơring lăng glăi abih bang, tañ ngă pơgiong hră tuh pơ alin, čuk pơkra pơklaih ala lŏn či ngă bruă, ngă hrŏm kjăp hăng hơdôm anom bruă mơ̆ng Dimg jum hăng anom bruă apui lơtrik đah mơ̆ng tañ pơklaih brơi anŏ tơnap, pơhlom ngă tañ sang măi pơđuăi apui hăng hrĕ dăng apui, pơhlom apui yua dêh čar ta./.