Tui jŭ yap mơng thun hlâo truh ră anai, amăng tơring čar Dak Lak hơmâo ƀuh hơdôm hơpluh wŏt hơjan ia ling dăo, ngă djai hơdôm rơtuh čô mơnuih hăng ngă răm rai hơdôm rơtuh rơbâo klai prăk. Ƀơi anăp kơ tơlơi anun, tơring čar Dak Lak bơtŭ ư hăng hơdră bruă amăng thun anai amra prap lui rơbêh 24.000 čô mơnuih apăn bruă, ling tơhan hrŏm hăng giăm 35.000 boh rơdêh, gơnam măi mok kiăng hmao tlôn ba đuăi mơnuih hăng djru mă mơnuih bưp tơlơi truh sat.

Git gai mông jơnum, khua tơhan Đại tá Lê Văn Hùng, kơ-iăng Khua anom bruă git gai ling tơhan tơring čar Dak Lak rơkâo hơdôm anom bruă ječ ameč pel ĕp akŏ bruă, thâo tong ten kual akŏ phun hăng ngă tui klă tơlơi pơsit “4 ha anih”. Laih dong, tŏ tui ngă khut khăt bruă prap blah ngă, kơtưn amăng pơtop hrăm kiăng gơgrong pơsir hĭ tŭ yua djop mơta bruă amăng bơyan hơjan kơthel.