Ơi Nguyễn Hoài Anh thun tơkeng 1977, hơmâo rơbêh 26 thun mă bruă, juăt khua amăng lu anih anom phara ƀơi Bình Thuận, Lâm Đồng hăng mơng blan 9/2025 truh ră anai, ñu ngă Khua Jơnum min mơnuih ƀon sang tơring čar Thanh Hoá.

Đĭ pơhiăp amăng mông jao bruă, Khua dêh čar rơkâo Ding jum djuai ania hăng tơlơi đăo đing nao pơphô bruă kiăng pơgiong tơhnal pơkă, hơdră bruă; dưm dăp anih anom lăp djơ̆ hơbô̆ bruă gong gai ƀon lan dua gưl; pok pơhai tŭ yua Jơlan hơdră hơnong pơkă dêh čar rơwang thun 2026-2030; pơhlôm brơi tơlơi dưi ngă yang, tui đăo; hơkrŭ pran gum pơgôp amăng djop djuai ania, pơhlôm hơđong kual mơnuih djuai ania ƀiă hăng tơlơi đăo, laih dong tañ dưm mă yua tơlơi pơhing, hră pơ-ar kơ djuai ania, tơlơi đăo dưi yua pơmut hrŏm.