Yang hrơi dong kơnôl 20/7, ƀơi să Ia Ko, tơring čar Gia Lai, tơhan Hạ sĩ Kpă Thiệp, tơhan gah Trung đoàn 28 (Sư đoàn 10, Quân đoàn 34) amăng hơdôm hrơi glăi pơdơi, ñu nao pơ hmua ƀuh 2 čô mơnuih apui lơtrik hrĭp đih hơduaih ƀơi lŏn. Ƀu pơmĭn hơget dong tah, ñu đuăi nao giăm hơdui tơbiă ƀing pô apui hrĭp, laih dong ñu tơbuh hlao ƀơi anun. Bruă mă mơng Hạ sĩ Kpă Thiệp dưi djru brơi 2 čô mơnuih dŏ hơdip, samơ̆ ñu rơbuh rơngiă hlao ƀơi anun.

Lăng yôm hăng bruă mă khin hơtai anun, Jơnum min mơnuih ƀon sang să Chư Sê hơmâo jao hră pơpŭ, laih dong gong gai să Ia Ko glăk rơkâo gưl tơring čar jao hră pơpŭ brơi kơ ñu. Kiăng hmao tlôn juh alum pran jua sang anŏ, ƀing apăn bruă hăng ling tơhan Quân đoàn 34 hơmâo pơphun pơgôp prăk djru brơi sang anŏ Hạ sĩ Kpă Thiệp, tơlơi anai kiăng ngă hiam tui rup rap “Tơhan rơnuk wa Hô”.