VOV.Jarai-Lơ 26/5, Khul pơ ala mơnuih ƀôn sang tơring čar Dak Lak tal XI, rơwang bruă thun 2026-2031, pơphun jơnum pơčrong sai Sa hnơ̆ng bruă tal Sa pioh sem lăng pơsit lu boh yom phun pơprong, ječ ameč hăng bruă  pơđĭ kyar bơwih ƀong huă-mơnuih mơnam ƀơi tơring čar.

VOV.Jarai-Mơguah lơ 26/5, anom bruă ping gah tơring čar Lâm Đồng pơphun jơnum lăi pơthâo hră pơtrun mơ̆ng khua mua ping gah tơring čar pơpha bruă, pơđĭ mơnuih apăn bruă ngă khuaq ƀơi hơdôm sang bruă ping gah, să, plơi pla, gơnong bruă ƀơi tơring čar.

VOV.Jarai-Mơguah lơ 26/5, ƀơi Cần Thơ, Khua dêh čar ơi Lê Minh Hưng git gai mông jơnum, mă bruă hăng khua mua phun ping gah ƀôn prong Cần Thơ, ngă tui hơdôm tơhnal pơkă bruă mă bơwih ƀong huă mơnuih mơnam hăng tơhnal pơkă pơđĭ kyar dua mrô ; bruă yua prăk kăk tuh pơ alin kơ bruă čar; ngă tui gong gai kơnuk kơna dua gưl; pơhlom pơgang tơlơi rơnuk rơnua hơđong; man pơdong ping gah, glông bruă kơđi čar hăng pơsir abih tơlơi dŏ gun ƀơi ƀôn prong.

VOV.Jarai - Tlam lơ 25/5, ƀơi sang bruă Kơnuk kơna, Khua dêh čar ơi Lê Minh Hưng git gai ngă bruă hăng Jơnum min mơnuih ƀôn sang ƀôn prong Hà Nội hăng hơdôm ding jum, anom bruă kơ đĭ kyar sang dŏ apah mă ƀơi plơi prong jưh jom.

VOV.Jarai - Tlam lơ 25/5, Khul wai lăng Kual bơwih ƀong Nam Phú Yên (tơring čar Dak Lăk) pơphun pơbưp, pơhiăp tom ƀing tuh pơ alin, ƀing khua anom bruă bơwih ƀong tal sa thun 2026.

VOV.Jarai - Mơguah lơ 25/5, ƀơi Sang bruă Ping gah, Khua git gai Ping gah, Khua mir sir ơi Tô Lâm, Khua khul git gai bruă Gơnong dlông kơ đĭ kyar boh thâo ia rơgơi, pơčeh ia rơgơi phrâo, laih anun ba yua ia rơgơi mrô git gai mông mă bruă hăng Khul črâo bruă pơčrông sai hơdră kơsem min phun atur boh thâo phrâo.

VOV.Jarai - Mơguah tom brơi, lơ 25/5, ƀơi Hà Nội, kiăo tui tơlơi jao bruă mơ̆ng Khua dêh čar, Kơ-iăng khua dêh čar yă Phạm Thị Thah Trà brơi hră pơsit ruah pơhrua ơi Nguyễn Huy Dũng ngă Kơ-iăng khua ding jum Gru grua, Bơkjăp drơi jăn hăng Tuai čuă ngui.

VOV.Jarai - Gơnong bruă boh thâo ia rơgơi tơring čar Dak Lăk pơphun pok anih pơtô pơjuăt dlăm kơ bruă wai lăng bruă mă gah boh thâo ia rơgơi thun 2026 kơ ƀing khua, mơnuih apăn bruă mơ̆ng tơring čar truh pơ să, phương.

VOV.Jarai - Thâo laih bơyan hơjan kơthel thun 2026 ăt amuñ hơmâo tơlơi truh kơtang mơn, Jơnum min mơnuih ƀôn sang tơring čar Lâm Đồng glăk ječ ameč ngă bruă ha amăng plĕ hăng lu hơdră pơgang hlâo, bong hĭ, plai ƀiă tơlơi truh yua hơjan kơthel ngă.

VOV.Jarai - Ƀơi să kual 3 tơnap tap Trường Xuân, tơring čar Lâm Đồng, pran jua mơ̆ng Tơlơi pơtrun 57 mơ̆ng Ding jum kơđi čar kơ pơplih boh thâo ia rơgơi, pơčeh ia rơgơi phrâo laih anun ba yua ia rơgơi mrô glăk hơmâo ngă hăng hơdôm bruă sit nik. Mơnuih ƀôn sang dưi pơdjru nao rai ngă hră ƀơi măi telephôn hlao.