VOV.Jarai-Tlam lơ 9/12, ƀơi Ƀirô Kơnuk kơna, Khua dêh čar ơi Phạm Minh Chính git gai jơnum tal 25, Khul git gai dêh čar kơ bruă pơgăn mă akan hơdang ča čot, ƀu lăi pơthâo hăng ƀu djơ̆ tơlơi pơkă (IUU).

VOV.Jarai-Hrơi anai, lơ 09/12, ƀing pơ ala mơnuih ƀôn sang dêh ar pioh lu mông pơčrong sai ƀơi sang rung kơ hră lăi pơthâo hlâo mơ̆ng Khua sang bruă phat kơđi dêh čar, khua anom ĕp kơđi mơnuih ƀôn sang dêh čar, bruă mă pơgăn tơlơi soh ƀong prăk la hăng ngă soh tơlơi phiăn; bruă ngă tui hơdôm kơđi laih phat giong, bruă pơhlom hlâo, tơlơi soh ƀong kông ngăn prăk la thun 2025.

VOV.Jarai-11 blan laih rơgao, tơring čar Gia Lai mă yua rơnoh prăk tuh pơ alin kơ bruă čar kơnong dưi ngă rơbêh 58%, ƀiă hloh pơkă hăng anŏ či kiăng. Tơlơi anai, hơmâo lăi pơthâo ƀơi mông jơnum lok 5, khul pơ ala mơnuih ƀôn sang tơring čar lơ 8/12 ƀơi Plei Ku.

VOV.Jarai - Tlam lơ 8/12, ƀơi Sang bruă Ping gah, Khua git gai ping gah ơi Tô Lâm tŭ jum Khua sang hră Mir sir dêh čar Nga Aleksey Komissarov glăk rai čuă hăng mă bruă ƀơi Việt Nam.

VOV.Jarai - Thun 2025, tơring čar Quảng Ngãi hơmâo rơnoh đĭ kyar bơwih ƀong 10,02%, lu hloh amăng kual Dơnung Tong Krah hăng Dap Kơdư.

VOV.Jarai-Črăn hră pơsit mơng Ping gah kơ hră lăi pơthâo lăng glăi 5 thun ngă tui hơdră pơđĭ kyar bơwih ƀong huă mơnuih mơnam 10 thun mơng thun 2021-2025; jơlan gah bruă jao pơđĭ kyar bơwih ƀong-mơnuih mơnam 5 thun 2026, 2030 pơsit tong: Amăng hrơi blan rŏng lŏn tơnah hơmâo lu tơlơi pơplih, klin kman, hơjan kơthel, tơlơi bơwih ƀong amăng dêh čar ăt ba glăi tơlơi dưi prong. Tơlơi bơwih ƀong huă amăng dêh čar pơđĭ kyar kơtang, đĭ 510 klai đôlar Mi. Pơhrui rĭm akŏ mơnuih thun 2025 giăm 5.000 đôlar Mi, đĭ ha mơkrah pơhmu hăng thun 2020, dong amăng grup pơhrui lu. Hơdôm boh than ba glăi anun pơgôp ngă atur kjăp phik kiăng ba lŏn ia ta yak nao rơnuk phrâo, kiăng ngă tui hơnong pơkă pơđĭ kyar 2 mrô amăng rơwang thun 2026-2030 hăng jing dêh čar pơđĭ kyar hơmâo prăk pơhrui lu ƀiă amăng thun 2045.

VOV.Jarai - Khul tơhan 34 hơmâo jao ngă giong bruă man pơdong sang hlâo kơ lơ 20/1/2026, djru mơnuih ƀôn sang tañ hơđong glăi tơlơi hơdip hăng hmao čơkă Tê̆t amăng sang dŏ phrâo.

VOV.Jarai - Lơ 8/12, ƀơi ƀôn prong Cần Thơ, Khua git gai Ping gah, Khua Ping gah khul tơhan nao pơhmư̆ ngă lơphet 80 thun Hrơi gru grua tơhan blah ngă Tơhan kual 9 hăng brơi miđai Tơhan sông kơtang blah ngă.

VOV.Jarai-Khua dêh čar ơi Phạm Minh Chính pơsit tong dua bơnah amăng jang jar kmar Tân Nam-Meun Chey pok rai “glông jơlan sĭ mơdrô” phrâo, pơgôp kơtưn tơlơi rô nao rai bơwih ƀong huă, sĭ mơdrô, tuai čuă ngui hăng pơbưp nao rai mơnuih ƀôn sang dua bơnah.

VOV.Jarai - Grup mă bruă mơ̆ng Gong phun jua pơhiăp Việt Nam (VOV) phrâo nao čuă, brơi gơnam, djru ba mơnuih ƀôn sang pơ Khánh Hòa hăng Gia Lai.