Ƀơi Hà Nội phrâo pơphun Jơnum pơtom hiăp tal 33 hăng anăn “Tŏ tui pran gơgrong ba jơlan hlâo hăng ngă tui bruă jao akŏ phun, na nao hăng bruă pơtom hiăp Việt Nam amăng rơnuk phrâo”. Đĭ pơhiăp amăng mông jơnum, Khua git gai Ping gah, Khua mir sir ơi Tô Lâm lăi pơtong tơlơi rơkâo pơtom hiăp kiăng ngă djơ̆ tui tơlơi gơgrong amăng bruă pơhlôm rơnuk rơnua, hơđong hăng tŭ mă djop ngăn rơnoh mơng gah rơngiao amăng pơđĭ kyar lŏn ia. Khua git gai Ping gah, Khua mir sir rơkâo gơnong bruă pơtom hiăp kiăng gơgrong, hơdeč hmar tŭ mă djop tơlơi gal, đăo lăng lăp djơ̆ hơdôm tơlơi dưi sit nik kiăng hmao tlôn pơphô bruă brơi Ping gah hăng Kơnuk kơna.

Bruă pơtom hiăp kiăng pơlir kjăp hăng hơdôm bruă pơgang rơnuk rơnua, hơđong hăng bơwih ƀong huă, jing tơlơi gơgrong kjăp phik djru brơi hơnong pơkă wai pơgang lŏn ia tañ hloh, mơng ataih. Hrŏm hăng anun, ñu rơkâo tŏ tui hrưn đĭ tŭ yua amăng pơtom hiăp djop bơnah, gơgrong pơgôp prong amăng hơdôm tơhnal pơkă amăng kual hăng jar kmar. Bruă hrưn đĭ ngă klă tui mơnuih ngă bruă pơtom hiăp kah hăng bruă jao phun kiăng lăp djơ̆ tơlơi rơkâo hrưn đĭ kơdrưh, tơlơi đăo gơnang mơng Việt Nam amăng jar kmar amăng rơnuk phrâo.