Klah čun mông jơnum, Khua ping gah, Khua mir sir lăi dlăm, bruă ruah pơhrua djŏp khua amăng Khul git gai tal anai ƀu kơnong pơplih jao bruă mă đôč ôh, dlăm hloh lĕ pơplih akŏ phun bruă mă kiăng djơ̆ hăng tơlơi kiăng amăng rơnuk phrâo. Ñu kiăng pơplih kơtang mơ̆ng wai lăng jing gum ngă hlao khŏm hơmâo boh tŭ yua rơđah rơđông, rim bruă mă khŏm pơsit rơđah bruă kiăng pơsir, hơmâo gơnam pơkra rai tuč rơnuč, hơmâo pô či mă yua, laih anun boh than ba glăi dưi pơkă, dưi pơtŏng lăng sit.

Khua ping gah, Khua mir sir ăt lăi mơn, khŏm pơplih mơ̆ng mă bruă amuñ jing bruă mă pơčeh phrâo, mơ̆ng mă bruă tui pran kơtang jing mă bruă hăng akŏ dlô, yua dah ƀing ta ƀu dưi đĭ kyar tañ hăng hơđong ôh tơdah kơnang kơ bruă mă amuñ, pơkra hăng tơngan, dưm truă, ƀudah mă yua anŏ hơmâo hơđăp đôč./.