Pơđut mông mă bruă, Khua git gai Ping gah, Khua mir sir rơkâo, kiăng ječ ameč pơgiong akŏ bruă pơplih pơkra amăng grup amăng rơwang thun 2026-2030 tui jơlan gah sit nik, lăp djơ̆ hloh; akŏ bruă kiăng kiăo tui tơlơi pơtrun mrô 19, tơlơi pơtrun mrô 57, hơdôm kơčăo bruă kơ apui yua, gơnam amăng atur lŏn hăng tơlơi rơkâo pơplih mơtah; ngă rơđah hơnong pơkă, jơlan gah bruă mă, tơlơi glăm ba, boh than pơkă lăng hăng bruă mă, mă yua klă prăk tuh pơ alin hăng yua boh thâo phrâo, ngă hơbot anih anom mă bruă hăng pran bơkơtưn kơtang tui.

Khua git gai Ping gah, Khua mir sir rơkâo, Grup kiăng pơplih kơtang amăng yua boh thâo phrâo, pơplih mrô hăng rơgơi amăng bruă mă; laih dong pơplih amăng hơdôm bruă tuh pơ alin hăng prăk kak, pơtrut kơtang pok prong ngă hrŏm pơđĭ kyar, hrưn đĭ klă amăng wai lăng, djop akŏ bruă kiăng dưm amăng abih bang hăng hơmâo ruah mă kjăp, anăm kiăo tui bruă pok prong, anăm tuh pơ alin raih daih. Lăng tơlơi rơnuk rơnua hăng tơlơi hơdip mơda kơ mơnuih mă bruă lĕ akŏ phun pơlir hăng mă yua gơnam amăng atur lŏn, wai pơgang jum dar, pơđĭ kyar hơđong kjăp amăng ƀon lan. Hrŏm hăng anun, kiăng djru brơi sang dŏ, sang ia jrao hăng tơlơi gal ƀơi anih mă bruă, pơtrut pơplih yua măi mok, brơi măi đuăi mă hajăn kiăng plai ƀiă ngă kơtrâ̆o, pơhlôm rơnuk rơnua.