Lâm Đồng pơgang atur jơlan glông kiăng bong glăi hăng tơlơi truh ia ling dăo
Thứ năm, 10:37, 30/07/2026
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV.Jarai-Tơring čar Lâm Đồng hlăk pơtum pok pơhai lu hơdră kiăng pơđĭ tui boh tŭ yua bruă git gai wai lăng, pơgang atur jơlan glông nao rai, prăp lui hơdră pơhlom, pơgang tơlơi truh sat lŏn adai ngă ia ling dăo.
Đơ đam tơring čar Lâm Đồng hơmâo 62 ring bruă jơlan glông hlăk dưi tuh pơ alin pioh čuk pơkra, ming glăi kiăng pơhlom tơlơi rơnuk rơnua nao rai ƀơi jơlan glông bơyan hơjan hlim.
Amăng mrô anun, hơmâo 16 ring bruă ƀuh hlăk či răm rai yua hơjan ia ling dăo thun hlâo ngă. Truh rơnuč blan 7 thun anai, mrô prăk mă yua pioh ming pơkra, čuk glăi jơlan răm ƀơi Lâm Đồng abih tih 380 klai, dưm dưm hăng 62% rơnoh prăk akŏ bruă jao amăng sa thun. Hăng hơdôm ring bruă răm yua ia ling dăo, tơring čar hlăk pơsir tañ 9 ring bruă amăng mrô anai hơmâo 6 ring bruă ngă giong laih.
Viết bình luận