Ƀơi mông jơnum anai, Jơnum min apăn bruă phun pơ ala mơnuih ƀôn sang dêh čar hơmâo sem glăi, pơčrong sai 45 mơta boh yom phun; amăng anun hơmâo sem glăi, pơgôp hiăp hăng 28 boh yom phun pioh pơdah thâo amăng mông jơnum prong ƀu dăp hlâo lok Sa hăng 2 mơta tơlơi phiăn či lăi pơthâo amăng mông jơnum abih bang lok 2; pơsit hĭ 3 pok hră Pơtrun mơ̆ng Khua mir sir; 8 pok hră pơtrun mơ̆ng jơnum.

Khua git gai pơ ala mơnuih ƀôn sang dêh čar rơkâo djop sang bruă amăng Anom bruă khua pơ ala mơnuih ƀôn sang dêh čar ăt ngă pơgiong hĭ bruă mơ-it hră pơar sit nik kơ abih bang ƀing pơ ala mơnuih ƀôn sang đơ đam dêh čar hlâo kơ truh hrơi pơtum jơnum abih bang, kiăng ƀing pơ ala mơnuih ƀôn sang hơmâo djop mông pơđok hlâo hăng kơsem min tong ten hloh či pơčrong sai ƀơi mông jơnum. Ơi Trần Thanh Mẫn ăt pơtă pơtăn, djop sang bruă kiăng prăp lui tong ten jơnum lok 2 amăng blan 10/2026, him lăng bruă pơčrong sai lu biă mă; blung hlâo lĕ, khom ngă giong hră lăi pơthâo mơ̆ng Jơnum min apăn bruă phun pơ ala mơnuih ƀôn sang dêh čar ƀơi mông jơnum tơđar blan 8, blan 9 hăng hơdôm boh yom phun hơmâo prăp lui hlâo amăng Jơlan hơdră či mă bruă klâo blan tal III thun 2026.